ھمدردءُ دوزواہ ابراہیم بلوچ ءَ استانی ڈیتھ اسکواڈءِ کارندگاں بسیمہ ءِ نزیکءَ دو لہڑی نشانگ جوڈ کنانءِ شہید کُتگ۔گَل شہیدءَ را سہریں سلام:: بلوچ نیشنل مومنٹ

ھمدردءُ دوزواہ ابراہیم بلوچ ءَ استانی ڈیتھ اسکواڈءِ کارندگاں بسیمہ ءِ نزیکءَ دو لہڑی نشانگ جوڈ کنانءِ شہید کُتگ۔گَل شہیدءَ را سہریں سلام پیش کنت۔ شہید ابراہیم بلوچءِ شہادت مئے گَلءِ سروک ءُ دگے راھشون ءُ باسکانی شہادت ءُ کربانیانی ءِ رِداِنت۔ استانی زُلمءُ زوراکیءِ دیما  بی این ایم یک مھکمیں دیوالے جوڈ بوتگ کہ یک دِھک ءَ چہ بلوچ راجی آجوئی ءِ ھاترا کُربانی ءِ الامت جوڈ اِنت بلئے آجوئی ءِ جدو جہدءِ ردا راہ برجا داشتگ ئے۔ بلوچ نیشنل مومنٹ ءِ بُنجائی رسانکاری کار گشاد ءَ شنگ کتگیں درشانءَ گشتگکہ استانی لشکر ءُ ڈیتھ اسکواڈءُ دینی نہ شرکار گروہ یک ھاسیں مکسدءِ درچءَ بلوچ سیاسی باسکاں ءُ ھمدرداں نشانگ جوڈ کنگ ءَ انت دانکہ اُلسی ستا ءَ تُرس ءِ چاگرد ودی کنانءَ استانی زورگری ءَ انسانیت دژمنیں زوراکی ءَ گوں مھکم ءُ برجاہ داشت بہ کنت ۔ بُنجائی رسانکاری کارگشاد ءَ گشتگ کہ ڈیتھ اسکواڈءُ بنام زمانگ آئی ایس آئی ءِ اے ہُنراں بلوچ راج شر سر پدبوتگ۔ راجی جہدے ھاترا کُربانی دیوکانی کمـی نہ انت ء ُ مروچی استانءَ بلوچ پد ریچ کُشیءِ تہا گیشی آورتگ بلئے مارا سرجم ءَ بیسہ انت کہ اے درچ بلوچ سرڈگار ءِ آجوئی ءِ رژنائی جوڈ بیت