شہرکءَ استانی لشکرءِ زُلمءزوراکی ءَ ھیرجناں۔ وتگڑیں ھکومتءَ لشکرءِ ھواریءَ گوں لس مہلوکءَرا مزنیں کساسِءَ نشانگ جوڈ کنگ بوھگءَ انت ،بی این ایم

بلوچ نیشنل مومنٹءِ بُنجائی جارکشءَ کیچ ءِ دمگ ءَ استانی لشکرءِ لس مہلوکءِ سرا زُلم ءُ زوراکی ھیرجنانءَ گشتگ کہ شہرکءِ بازیں دمگاں استانی لشکرءَ انگر کنانءَ زالبولءَ زھگ لٹ ءُ کُٹ ءِ نشانگ جوڈ کنگءَ ھوار پتءُ زھگءَ ھوار 4 مردم آوار جتگ ، بُنجائی جار کشءَ گیش گشتگ کہ ماسٹر لیاکت گوں آئی بچ آزاد بلوچءِ ھواریءَ لشکرءَ آوار جتگ ءُ شپیک بلوچ ءُ مھمد ھان بلوچ رءَ ھم شہرکءِ دمگءَ لشکرءَ آوار جنگءِ ھوریءَ گسانی تہا لُٹءُ پول کتگ، استانی لشکرءَ لس مہلوکءِ سرا اُرش ھر روچیءِ کارءِ جوڈ بوتگ ، گوستگیں روچءَ مشکےءَ لشکرءَ بازیں گِس مانداشتگ انت ءُ زالبول لٹءُ زھگ جتگ انت ھمے رنگءَ مستونگءِ بازیں دمگاں یک ماہِءَ چہ گیش وھدانت استانی لشکرءِ دستءَ چیرانت ءُ کلات ءِ کشءُ کرا مزنیں لشکرکشیءِ تیاری دیما برگ بوھگءَ انت کہ ھودا لشکرءِ برجائیں لشکر کشی ءَ گیش کنانءَ بلوچ پدریچ کُشی ءِ تہا تیزی ھارگءَ انت، لہتیں روچاں پیسر استانی لشکرءَ لس مہلوکءِ سرا گولہ اُرش کتگ کہ یک جنگ زھگءِ ھو یک بلوچ بچءِ شہید کنگ بوتگ انت ، ۔۔ بی این این یک برے پدا دنیاءِ شرپمندیں ملک ءُ گلاں چہ دستبندی کنت کہ پاکستان ءِ بلوچ سرڈگارءِ سرا برجائیں جنگی جُرماں دلگوش بہ کنانت کہ روچ پہ روچ گیش بوھان انت
:::: جار کش بی این ایم ::::