بلوچستانءَ استانی ناشر کاری تیزیءَ گوں انسانیت دژمنیں ذُلمانی رنگءَ بلوچ راج ءِسر ڈگار ءَ زُلم ءِ ھد کنگءَ انت ۔ لشکرءِ تیر گواریءَ چہ مندءَ یک بچ ءِ شہید آورانءَ چہ لشکرءَ 5بچ آوار جتگ : بی این ایم

بلوچستانءَ استانی ناشر کاری تیزیءَ گوں انسانیت دژمنیں ذُلمانی رنگءَ بلوچ راج ءِسر ڈگار ءَ زُلم ءِ ھد کنگءَ انت ۔بُنجائی جارکشءَ گشتگ کہ گوستگیں روچءَ لشکرءَ تیر گواریءَ کنانءَ مندءِ دمگ گوبردءَ یک بلوچ بچِ ءَ را وتی تیرانی نشانگ جوڈ کنانءَ شہید کتگ ، با کی یا کوب گومازی ءَ چہ گو بردا وتی پرپٹ ء، سرا روگءَ بیتگ کہ لشکرءَ وت سرا تیر گواری کنانءَ آئی ءَ را شہید کُتگ ۔ جہانی نہ شرکاریں چیریں گَل آئی ایس آئی ءُ پاکستانی لشکرء، پالیمانی دوستاں گوں ھوار بلوچ سرڈگار ءَ بلوچءِ ھاترا زندا بیزار کنگ ءِ دُمبا کپتگ ۔ گوستگیں روچءَ آوارانءِ دمگ کہن زیلگءَ لشکرءَ لش مھلوک ءِ سرا اُرش کنانءَ 5 بلوچ بچ آوارجتگ ، آیانی نام ۔ امدادمھمد امین ، ھسین اللہ داد، کدیر جان مھمد ، رائیس ءُ آسمی بلوچ اَنت، کہ انگت بیگواہ انت ، زمین جُمب آماچیں ڈسڑرکٹ آواران ءَ لہتیں ھفتگ پیسر زکریانی ابادت گاہ ءَ اُرش بلوچ بچانی یک شل ءَ بیگوائی ءِ دِرچ یک شل ءَ برجاہ اِنت ، زمین جُمب ریلیپءِ نامءَ لشکر ءَ ایپ سی ءَ دمگ ءِ مردماں پریشان کنگ ءِ ھلاس نہ بوھگ والا درچ بندات کتگ ، کہ 24 ستمبرءِ زمین جُمبءؒ لہتیں روچ پد لشکرءِ دستءَ آوار جتگیں آوارانءِ جاہ منند نسیرءُ کادر بکشءِ جون توتکءِ ھواریں کبرانی تہاءَ دست کپتگ اتاں ، مروچی بلوچ سرڈگارءَ استانی زُلمءِ درور دنیا ءَ ھچ جاہءَ نہ رسیت وھدے کہ دومی نیمگ ءَ بُتیں سر وزیر ءِ جارکش ءَ اے گشگءَ دم نبارت کہ آ بلوچستانءَ را کینگءِ پالیسی ء، سرا رواگ ءَ انت مروچی بلوچ وتی آجوئی ءِ ھاترا سرین بستہ ءُ سراں کپن انت ، اے استانی دلاراں  راجدپترءِ دراں چہ در ونت بزور اَنت کہ اے وڈیں مردمانی آسر درد ناک بیت اِنت۔
:::::: جارکش بی این ایم ::::::