کیچءَ فورسزءَ آبادیءِ سرا اُرش کتگ زالبولءُ چُک لٹءُ کُٹ کُتگ اَنت :: بی این ایم

کیچءِ دمگ شاپک ہیرونکءَ فورسزءَ آبادیءِ سرا اُرش کتگ زالبولءُ چُک لٹءُ کُٹ کتگ اَنت ، بازیں چمگاں چاردیواریءِ پامال کنگ بوتگ اَنت ، بلوچ فرزندانی بیگواہ کنگ ، ٹپءُ ٹوریں لاشانی دست ہم روچییں کارءِ جوڈ بوتگ، ہمءِ وڈءَ کیچءِ دمگ شاپک ، ہیرونک ءُ کشءُ گوارءَ بازیں روچءَ چہ فورسزءِ انگر ءِ تہا اِنت ، کہ ھودءَ درزنانی ھسابءَ لوگ سوچگ بوتگ اَنت ءُلوگانی شریں چیز اشاں گوں وت بُرتگ اَنت بلوچ زالبولانءَ تُرس ءِ آماچ کُتگ فورسزءَ ءُ ایف سیءَ مزنیں کساسےءَ شاپک ہیرونک ءُ کشءُ گوارءَ چہ درزنانی ھسابءَ دمگ انگر کتگاں ، کہ ہمروچیءِ ضرورتءِ وراکءُ وردن نیست بازیں چیز اشاں  گوں وت برتگ اَنت بازٰں کہولانی مردم پچیں آزمان ء، چیرءَ زند گوازنگءَ چہ مجبور اَنت۔ فورسزءَ دمگانی مردمانءَ دمگءِ ھالی کنگ ءِ بیہار دئیگءَ اَنت، بازیں مردم لٹءُ کُٹ کتگ اَنت ءُ بازیں بلوچ آوار جتگ اَنت ، مرچی چارشنمبےءِ ءَ آوارانءَ سرکاری ڈیتھ اسکواڈءِ یک اہمیں مردمےءِ ہمرائیءَ سیکورٹی فورسزءَ ءُ ایف سیءَ ہیلی کاپٹرانی سک جہل بال کنگءَ کندگ بوتگ اَنت ، مزنیں ھونی آپریشنءِ گُمان اِنت ، ڈیتھ اسکواڈءِ ذریعہ چہ بلوچ زمین بلوچانی واستءَ تنگ کنگ بئیگ اِنت :: بی این ایم