شیطانیں رحمان ملک دروگانی سرا دروگستان ءِ نیم زِندیں تلام ءَ رکینگ لوٹیت

بام:  بلوچ راجی جُنز ءِ سیت مندی ءُ کمیں وھدی ءَ ماں میان استمانی تکاں بلوچ راجی جُنز ءَ پجار رسگ ءِ سرا ، او آیوکیں وھد ءَ میان استمانی گل  یو۔این۔او ءِ ھمے نشون ءَ  کہ آ پَٹ ءُ پولی مشنے بلوچستان ءِ جاورھالانی  زانگ ءِ ھاترا رھادگ کنگ اَنت ءُ ماں امریکی کانگریس ءَ بلوچ راجی وتواکی ءِ ڈاہ ءُ شور ءَ یک نیمگے پاکی آمیدگس ءَ بگر تاں میڈیا یا  کجام کارگس گنوکیانی آماچ کُتگ اَنت ءُ دومی نیمگ ءَ پاکی استان ءِ دروگ بند گوچلیں رحمان ملک دروگانی سرا پاکی استان ءِ نیم زِندیں تلام ءَ زندگ کنگ لوٹیت۔

بلوچ سرمچارانی پد ماں پد ءَ یکشلیں اُرشاں پاکی شیطان گونگیں کاردار ءُ کاسگ چَٹ ھمینکہ گنوکیانی آماچ کُتگ اَنت کہ آ وت نہ زاناں کہ ما چی گُشگ ءَ اِنت ءُ مئے زبان ءَ چی در آیگ اِنت۔ ما اگاں مرچیگیں پاکی مُلا ءُ کاردارانی  نفسیاتی نادراھی ءُ وتگڑیں دروگاں  گوں ھما وھد ءِ دروگاں دیم پہ دیم بہ کنیں کہ آھاں بنگال جنگ ءِ وھد ءَ وَڈم داتگ اَنت تہ مارا ھمے سرپدی رسیت کہ مرچی یک رندی پدا پاکی کاردار ءُ مستر ھما نادراھی ءِ آماچ اَنت کہ ‘‘بنگہ دیش‘‘ ءِ جنگ ءِ وھد ءَ بیتگ اَنت۔  شیطانیں رحمان ملک ءِ مرچیگیں دروگ گوں ھما وھد ءِ فوجی جنرل یحیٰ ءِ دروگاں دپ ور اَنت کہ آ دروگانی بابت ءَ پاکی جنرلے ءَ وتی  کتاب ‘‘ میں نے ڈھاکہ ڈوبتے دیکھا‘‘ ءِ تھا تران کُتگ۔۔۔۔۔ مرچی ھمے نشون رسیت کہ پاکی کاسگ چٹ ءُ ملا ھم بلوچستان ءَ بقول ھما جنرل گوں وتی چماں بُکگ ءَ گندگ ءَ اَنت۔ بلے دروگانی سرا اے وتگڑیں استان ءِ نیم زندیں تلام ءَ را زندگ کنگ لوٹ اَنت۔۔۔

اے چوکہ  شیطان گونگیں رحمان ملک ھمینکہ نفسیاتی نادراھیانی آماچ اِنت کہ آئی ءِ زبان ءِ سرا بی۔ایل۔اے ۔۔ بی۔ایل۔ اے وَرد اِنت۔ بی۔ایل۔اے ءِ تُرس اے مرد ءِ رَگ ءُ بنداں گوں ھوار بیتگ۔۔۔ دومی اے مرد اے روچ ءَ دگہ گپے جنت ءُ پدا باندا دگہ گپے۔۔۔۔ اے ھمینکہ گپچلانی آماچ اِنت کہ نہ زانت کہ منی دپ ءَ چی درکپگ اِنت۔۔۔۔


مرچی دُنیا ءُ عالم اے گپ ءَ سرپدیں ماں بلوچسان ءَ گار ءُ بیگواھیں مردمانی کچ ھزاراں سر بوتگ۔ ھزاراں شھیدیں بلوچ ورناھانی ٹپ ءُ ٹوریں لاش دز کپتگ اَنت۔  اے کچ انسانی حقانی گلانی لِسٹاں ھم دیگ بیتگ۔۔ بلے دروگ بندیں رحمان ملک گُشیت کہ بلوچستان ءَ بیگواھیں مردمانی کچ سی ءُ شش اِنت۔ اے بلوچانی ھوناں شر گیپتگ۔۔۔


اے مرد بی۔ایل۔اے ءِ بیم ءَ ھمینکہ نفسیاتی نادراہ جوڑ کُتگ کہ مدام ایشی ءِ دپ ءَ ھمے گپ وَرد اِنت کہ بلوچستان ءِ جاورانی ھرابی ئے ءِ ذمہ دار بی۔ایل۔اے اِنت۔۔۔۔۔ چِل ءُ شش فراری کیمپ گُشے اَست اَنت۔ بلے زیکیں روچ ءَ اے مرد ءَ اے کچ نہ من اِتگ ءُ گُشتگ کہ لھتے مردم اَنت ءُ فراری کیمپ ما ھتم کُتگ اَنت۔۔۔۔۔۔۔۔


رحمان ملک ءَ مرچی واجہ براھمدگ بگٹی  ءِ پُشت ءَ مزنیں دروگے بست کہ گُشیت براھمدگ ءَ گُشتگ من ءَ گوں سیاسی گلاں کار نیست ءُ گُشیت براھمدگ بگٹی پاکستان ءِ گُما نرمیں ھیال داریت۔  وھدیکہ براھمدگ بگٹی ءَ بس ھمے گپ جتگ کہ من ءَ گوں سلاہ بندیں گلاں سیادی نیست ءُ منی وتی سیاسی گلے ءُ سیاسی بنیاداں آزادی ءِ جھد ءَ کنگ اِنت۔۔ بلے شیطانیں رحمان ملک بلوچستان ءِ جاوراں ھمینکہ گپچانی آماچ کُتگ کہ دروگ ءِ سرا دروگ بندیت ءُ بلوچ ءِ تھا بدگمانی ودی کنگ ءِ بے سوبیں جُھد ءَ کنگ اِنت ءُ دروگانی سرا پاکستان ءِ تلام ءَ زندگ دارگ لوٹیت۔۔۔۔

اے سرجمیں گپاں ابئید  اگاں کسے پہ راستی بچاریت۔ اگاں کسے ءِ تھا کمے غیرت اَست تہ آ ھمے گپ ءَ گُشیت کہ  ھزار لعنت اِنت دروگ بندانی مُلک پاکستان ءَ گوں ھما بلوچ وتگڑیں پارلیمانی بلوچ لیڈراں کہ آ انگت ھمے دروگ بندیں ملک ءُ قحبگیں ملایانی ملک ءِ پارلیمنٹ ءُ آمیدگس ءِ سرا بھیسہ کن اَنت ءُ تنیگہ گوں ھمے وتگڑیں ملک ءِ پارلیمنٹ ءَ بندوک اَنت۔  ایشاں غیرت نیست ءُ ایشانی چمانی آپ ھتم بیتگ ءُ نو اے پارلیمانی بلوچانی شری دروگے۔۔۔۔۔۔۔۔۔۔۔

                     منی واجہیں پارلیمانی لیڈر۔۔۔۔۔

                       گوں دو چوڑیں  پاگ ءُ شاھی تزبیاں
                       اے    شریداری    مبارک   بات  ترا

                       تو  مدام  راج ءِ   وتی   سودا  جتگ
                       گوں  بداں  یاری  مبارک   بات  ترا