بلوچ ءُ پشتون جنین آدم پہ پنجاب ءِ دیمروی ءَ نشانگ کنگ بوگ ءَ اَنت' ھیربیار
Friday, July 25, 2014
لندن : بلوچ راجدوست ھیربیار مری ءَ وتی بیانے ءِ تہ ءَہ پاکستانی فوج ءُ آئی ایس آئی ءِ پہ بھا زُرتگیں مذھبی ناشرکارانی نیمگ ءَ بلوچ جنین آدمانی سر ءَ تیزاپ ریچگ چَہ انسانیت ءَ ڈنیں کارے ڈس اِتگ ءُ گوں ترندیں گالاں ایرجنان ءَ گْوشتگ کہ پاکستان پہ زانت بلوچستان ءِ تہ ءَ مذھبی ترندروئیں لیکواں رُدوم دیگ ءَ اِنت داں بلوچ جھد ءِ دیم دارگ بہ بیت ۔ انچوش کہ بلوچ آجوئی ءِ زْرمبش توانمند بیان اِنت بلوچستان ءَ پاکستان ءِ ایجنسی ءُ آرمی ءِ رودینتگیں مذھبی ناشرکارانی ناشری گیش بوان اَنت ایشی ءِ تہ ءَ گچینی جنین آدم نشانگ کنگ بوگ ءَ اَنت پرچا کہ اے وھدی بلوچ جنین آدم پہ بلوچ راج آجوئی ءَ وتی براتانی ھمکوپگی ءَ جھد کنگ ءَ اَنت ۔
مستونگ ءُ شال ءَ بلوچ جنین آدمانی سر ءَ تیزاپ ریچگ ءِ کار پاکستانی ایجنسی ءُ فوج ءِ لگوری کارپداں پدر کنت۔
آئی ءَ گْوشتگ کہ بلوچ چاگر ءَ بلوچ جنین آدم ءَ مِھتریں بستارے ھست بلئے مروچی زورگریں پاکستان مئے جنین آدما نی سر ءَ تیزاپ ریچگ ءُ مارا ھمے سما کنائینگ لوٹ اِیت کہ ما بندگ اِیں ءُ مئے تالھے ءِ شور ءَ ایوک زورگر بست کنت ، مئے پجار ءِ پجیگ ءَ مئے ننگ ءِ دیم ھم ژانگول کنگ بوگ ءَ اِنت ۔
آئی ءَ گْوشتگ کہ ژانگولیں لاشانی دزکپگ ءِ پجیگ ءَ بلوچ جنین آدمانی سر ءَ تیزاپ ریچگ ءِ دْرچ پاکستانی فوج ءُ ایجنسیانی مانبرگ ءَ گْواچن کن اَنت ۔ پاکستانی فوج بلوچ راج ءُ گچین بلوچ ورنا ءُ گھارانی جھد ءَ ریٹہ کُرتگ ، پمیشکا ایشاں لھتے ماہ پیش ماں پنجگور ءَ پہ جنین چکانی چَہ وانگ ءَ زبھر کنگ ءَ پاکستان ءِ مذھبی گل ءُ ڈیتھ اسکواڈ ءِ کمک ءَ جنین آدمانی وانگجاھانی بند کنگ ءِ دْرچے بنا کُرتگ ، سئے ماہ اِنت کہ جنین چکانی وانگجاہ بند اَنت ۔
ھیربیار مری ءَ گّوشتگ کہ پاکستانی ایجسنی ءُ فوج پہ پنجاپ ءِ دیمروی ءَ بلوچستان ءُ پشتونخوا ءَ وتی مذھبی ناشرکارانی کمک ءَ وانگ ءَ تباہ کنگ ءَ اَنت ۔ جنین آدم کہ ھرچ چاگرد ءِ دیمروہ ءِ مانزمان اَنت ، آ چَہ لوگ ءَ درآیگ ءَ دارگ بوگ ءَ اَنت ۔ءُ دومی نیمگ ءَ چَہ دنیا ءَ مذھبی ناشرکاری ءِ نام ءَ پیسہ پنڈگ بوگ ءَ اِنت ءُ ھمے پیسہ پنجاب ءِ دیمروی ءُ وانگ ءِ سر ءَ کارمرد بوگ ءَ اَنت ۔
پنجاپ ءِ یونیورسٹیاں جنک ءُ بچکانی یکجاہ ءَ وانگ ءَ پہ آھاں بدیں کارے نہ اِنت بلئے بلوچ ءُ پشتون جنین آدم پہ سودا ءِ زورگ ءَ ڈن ءَ در کَہ اِنت آھانی سر ءَ تیزاپ پرریچگ بیت ، اسکول گوں بمباں تْراکینگ بنت داں زیردستیں بلوچستان ءُ پشتنونخواہ چَہ وانگ ءَ دُور دارگ ءُ پہ دائمی بندگ کنگ بہ بنت ءُ ایشانی نام ءِ سر ءَ پنجاپی وت ءَ دیمروی دات بہ کن اَنت ۔
آئی ءَ چَہ میان اُستمان ءَ اے درگت ءَ زیت دلگوش دیگ ءِ لوٹ کُرتگ ءُ گْوشتگ اگاں پاکستان ءِ پلہ مرزی ءَ بیوکیں اے کار دارگ مہ بنت سرجمیں دنیا ءِ ایمنی ءَ تاوان دئے بنت ۔
مستونگ ءُ شال ءَ بلوچ جنین آدمانی سر ءَ تیزاپ ریچگ ءِ کار پاکستانی ایجنسی ءُ فوج ءِ لگوری کارپداں پدر کنت۔
آئی ءَ گْوشتگ کہ بلوچ چاگر ءَ بلوچ جنین آدم ءَ مِھتریں بستارے ھست بلئے مروچی زورگریں پاکستان مئے جنین آدما نی سر ءَ تیزاپ ریچگ ءُ مارا ھمے سما کنائینگ لوٹ اِیت کہ ما بندگ اِیں ءُ مئے تالھے ءِ شور ءَ ایوک زورگر بست کنت ، مئے پجار ءِ پجیگ ءَ مئے ننگ ءِ دیم ھم ژانگول کنگ بوگ ءَ اِنت ۔
آئی ءَ گْوشتگ کہ ژانگولیں لاشانی دزکپگ ءِ پجیگ ءَ بلوچ جنین آدمانی سر ءَ تیزاپ ریچگ ءِ دْرچ پاکستانی فوج ءُ ایجنسیانی مانبرگ ءَ گْواچن کن اَنت ۔ پاکستانی فوج بلوچ راج ءُ گچین بلوچ ورنا ءُ گھارانی جھد ءَ ریٹہ کُرتگ ، پمیشکا ایشاں لھتے ماہ پیش ماں پنجگور ءَ پہ جنین چکانی چَہ وانگ ءَ زبھر کنگ ءَ پاکستان ءِ مذھبی گل ءُ ڈیتھ اسکواڈ ءِ کمک ءَ جنین آدمانی وانگجاھانی بند کنگ ءِ دْرچے بنا کُرتگ ، سئے ماہ اِنت کہ جنین چکانی وانگجاہ بند اَنت ۔
ھیربیار مری ءَ گّوشتگ کہ پاکستانی ایجسنی ءُ فوج پہ پنجاپ ءِ دیمروی ءَ بلوچستان ءُ پشتونخوا ءَ وتی مذھبی ناشرکارانی کمک ءَ وانگ ءَ تباہ کنگ ءَ اَنت ۔ جنین آدم کہ ھرچ چاگرد ءِ دیمروہ ءِ مانزمان اَنت ، آ چَہ لوگ ءَ درآیگ ءَ دارگ بوگ ءَ اَنت ۔ءُ دومی نیمگ ءَ چَہ دنیا ءَ مذھبی ناشرکاری ءِ نام ءَ پیسہ پنڈگ بوگ ءَ اِنت ءُ ھمے پیسہ پنجاب ءِ دیمروی ءُ وانگ ءِ سر ءَ کارمرد بوگ ءَ اَنت ۔
پنجاپ ءِ یونیورسٹیاں جنک ءُ بچکانی یکجاہ ءَ وانگ ءَ پہ آھاں بدیں کارے نہ اِنت بلئے بلوچ ءُ پشتون جنین آدم پہ سودا ءِ زورگ ءَ ڈن ءَ در کَہ اِنت آھانی سر ءَ تیزاپ پرریچگ بیت ، اسکول گوں بمباں تْراکینگ بنت داں زیردستیں بلوچستان ءُ پشتنونخواہ چَہ وانگ ءَ دُور دارگ ءُ پہ دائمی بندگ کنگ بہ بنت ءُ ایشانی نام ءِ سر ءَ پنجاپی وت ءَ دیمروی دات بہ کن اَنت ۔
آئی ءَ چَہ میان اُستمان ءَ اے درگت ءَ زیت دلگوش دیگ ءِ لوٹ کُرتگ ءُ گْوشتگ اگاں پاکستان ءِ پلہ مرزی ءَ بیوکیں اے کار دارگ مہ بنت سرجمیں دنیا ءِ ایمنی ءَ تاوان دئے بنت ۔
Comments[ 0 ]
Post a Comment