اوگانستان : پاکستانی فوج ءَ گوں وتی راکٹ ءَ چکے کشتگ ءُ مسیت ءُ مردماںی ماڑی پروشتگ اَنت

کنٹر : اوگانستان ءِ گوریچانی اُستان کنٹر ءِ اُستاندار فضل اللہ واحدی ءَ گوشتگ کہ چَہ پاکستان ءِ فوج ءِ نیمگ ءَ جنگ بوتگیں راکٹ ءُ مارٹر یک چکے ءِ سر ءَ کپتگ اَنت کہ بیران بوتگ ءُ بازیں مسیت ءُ مردمانی مڈی ءُ ماڑیاں تاوان رستگ ۔آئی ءَ گوشتگ کہ اے درچ بند بوگ لوٹ اِیت ۔ دومی نیمگ ءَ پاکستان ءَ نہ ایوک ءَ اے ھبر رَد کرتگ بلکیں بھتام بستگ کہ اوگان سرکار ءِ مردم دھشت گرداں وتی باھوٹ کنگ ءَ اَنت ۔ انچوش کہ گوش اَنت دروگ ءِ بن ٹنگ اِنت پاکستانی فوج ءِ اے بیان ھم آئی ءِ دروگ ءَ پدر کنگ ءَ اِنت بزاں یک نیمگے گوشگ ءَ اِنت کہ ما راکٹ باری نہ کرتگ ءُ دومی نیمگ ءَ گوشگ ءَ اِنت  کہ آ دھشت گرداں وتی گور ءَ دارگ ءَ اَنت بزاں ما ھماھاں راکٹ جتگ ؟