چَہ ٹیتھیان کاپر کمپنی ءِ دزبندی ءَ ریکوڈک پروجیکٹ جیڑہ میان اُستمانی تک ءَ شتگ

شال: ٹیتھیان کمپنی ءَ پہ وتی مائننگ لیز ایپلی کیشن ءِ بہ چارگ ءَ رد کنگ ءِ  سر ءَ راھبندای راہ گرگ ءِ شَور کرتگ ءُ گوں میان اُستمانی مردماں نیام کپگ ءِ دزبندی کرتگ۔ ٹی ٹی سی ءِ سی ای او ٹم لیو ءَ یک بیانے شنگ کرتگ ءُ گوشتگ کہ ما دلپروش بوتگیں پرچاکہ مارا جیڑہ گوں گپ ءُ تران ءَ گیشینگ ءِ موہ دیگ نہ بوتگ ۔ مارا مھکمی باور اِنت کہ مئے فیز یبلٹی اسٹڈی ءُ ایم ایل اے بلوچستان منزل رولز 2002ءَ ھمدپ اِنت ءُ ایم ایل اے ءِ منگ ءَ ھچ رنگیں ریگولیٹری یا راھبندی اڑے بوگ نہ لوٹ اِیت ۔ مارا پہ وتی راھبندی حق ءِ پھازگ ءَ میان اُستمانی تک ءَ روگ کپتگ بلے پد ءَ ھم ما بلوچستان سرکار ءُ آئی ءِ ریگولیٹری ادارہ ءَ گوں وت ما وتی نندگ ءُ منگ ءَ جیڑہ ءِ گیشوار کنگ ءِ راہ ءِ شوھاز ءَ ساڑی اِنت ۔ بلے کسے مسٹر لیو ءَ بہ گوش اِیت  کہ تو پہ پاکستان سرکار ءِ وشان ءُ منائینگ ءَ چوش تکانسر ءِ بلے ھما راج کہ اے مڈی ءِ واھند اِنت آئی ءِ توار ءَ گوشدارگ ءَ ساڑی نہ اِت کہ گوشگ ءَ اِنت چَہ بلوچستان ءِ جیڑہ ءِ گیشوار ءَ پیش بلوچستان ءِ مڈیانی نیمگ ءَ کس مئے اِت بلے بہ گندے اے راھبند ءَ لیو سرپد مہ بیت انچوش کہ پاکستان میان اُستمانی راھبندانی نہ من ایت ۔