شال :کچلاک ءَ تراک کنیں مواداں مردمے ءِ بالاد چنڈ چنڈ کرتگ

شال : گیشتر وتکش تراک لس جاہ ءُ مذھبی جاھاں بوتگ اَنت

شال : کچلاک ءِ میتگ کلی خانو ءَ یک پجارگ نہ بوتگیں مردمے ءِ بالاد گوں تراک کنیں مواداں ترک اِتگ ءُ شنگ اِتگ ۔ ھالانی رد ءَ تراک سک برز  ءُ مزن بوتگ چَہ ایشی ءَ نزیک گور ءِ لوگانی شیشگ پرشتگ اَنت ءُ توار داں دور ءِ مردماں اِش کرتگ ۔ پولیس ءَ گوشتگ کہ زانگ ھمے بیت کہ مرتگیں مرد وتکش اُرش کارے بوتگ پرچا کہ آئی ءِ بالاد چنڈ چنڈ بوتگ بلے آئی ءِ نیم بھر سر اَتکگ ۔ دنیگت گوشگ نہ بیت کہ آئی ءَ جیکٹ گور ءَ بوتگ یا مواد ئِے گون بوتگ  ءُجاھے روگ ءَ بوتگ ۔ زانگ بہ بیت کہ شال ءَ ٹپ ماں ٹپ بیوکیں اے سیمی کاراِنت ۔ اے دومی اِنت کہ چَہ وتیگی سوبمند نہ بوتگ چَہ ایشی ءَ پیش یک آلٹو گاڑی یے مردمانی ھال دیگ ءِ سبب ءَ پٹگ بوتگ ءُ چَہ آئی ءَ سی کلو تراک کنیں مواد دز کپتگ ءُ اے رندی ھم وتکش چَہ وتی تراکنانی اناگتیں ترکگ ءَ مرتگ بلے چَہ ایشی ءَ ترس آسر نہ بوتگ پرچا کہ محرم ءِ ماہ ءَ شیعہ کشی ءِ باوست ءَ ھمگرنچ شال ءَ تہ ءَ پہ شیعھانی کشگ ءَ سک زور جن اَنت ۔