سلیم بلوچ ءِ دیم شریتگیں میت ءِ دزکپگ رستری کارپدانی دِرچ اِنت ' بی ایس او آزاد

شال : بی ایس او آزد ءِ بنجاھی جارکش ءَ گوشتگ کہ گوستگیں روچ ءَ شال ءَ بلوچ آجوئی ءِ دوزواہءُ پلیں شھید خلیل بلوچ ، پنام سرور ءِ ناکوزتک سلیم بلوچ ءِ دیم شریتگیں میت ءِ دزکپگ رستری کارپدانی درچ اِنت ۔ شھید سلیم بلوچ ھشت روچ پیش شال ءَ چَہ وتی گیراج ءَ آوار جنگ بوتگ ءُ جنگ چوپگ ءَ پد شھید کنگ بوتگ ۔ نوں ھمروچ چیریں ادارھانی کارندہ بلوچ ورنا ، کماشاں آوار جن اَنت ءُ آھاں وتی رستری جاھاں ماھانی ماہ جنگ جوپگ ءَ پد شھید کن اَنت بلے بلوچ راج زانت کہ زرمبشانی تہ ءَ شھادت ءِ بستار چی بیت ءُ چَہ شھیدانی ھون ءَ کلریں زمین ھم سبز اِیت ۔ مروچی چَہ بلوچ شھیدانی ھونانی برورد ءَ بلوچ زرمبش سک دیم ءَ شتگ ءُ زورگر نوں ھچ سرپد بوگ ءَ نہ اِنت کہ بلوچ پسگانی میتانی دیم شریگ ءَ آ چے پیم آجوئی ءِ زرمبش ءَ داشت کنت بلے راستی اِیش اِنت کہ شھیدانی ندریگانی برورد ءَ مروچی زرمبش سک دیم ءَ شتگ ءُ زوت وتی منزل ءَ سربیت ۔