شال : شیعہ کشی ءِ باوستءَ بلوچستان یونیورسٹی ءِ لیکچرار ے کُشگ بوت

شال: شیعہ کشی ءِ باوست ءَ بلوچستان ءِ یونیورسٹی ءِ لیکچرارے کشگ بوت ۔ ھالانی رِد ءَ بلوچستان یونیورسٹی کمپیویٹرسائنس  تک ءِ چیرمین محمد دانش ھما وھد ءَ موٹَرسائیکلیاں نشانگ کرتگ ءُ کشتگ کہ چَہ وتی گس ءَ پہ یونیورسٹی ءَ روگ ءَ درکپتگ اَت ۔ سراپ کرتگیں کشندھاں دمک ءِ راھگیش [ چوک ] ءَ آئی ءِ سر ءَ تیرگواری کرتگ ۔اے کارپد ءِ ایرجنگ ءَ مروچی بلوچستان یونیورسٹی بند اِنت ۔ کشگ بوتگیں لیکچرار چَہ گلگتیاں سیادی داراِیت کہ مذھب ءِ باندات ءَ شیعہ راھبندانی منوگر اَنت ۔ زانگ بہ بیت کہ محرم ءِ ماہ ءَ شال ءَ زورگریں سرکار ءَ سیکورٹی ءِ ترندگریں بندبست کنگ ءِ بٹال داتگ بلے اے چَہ اے رنگیں کاراں زانگ بیت کہ سرکار شیعہ کشی ءِ باوست ءِ دارگ ءَ سوبمندنہ اِنت ۔