ریکوڈک پروجیکٹ ءِ سر ءَ کارکنوکیں ٹھیتیان کمپنی ءَ وتی توامیں آپریشنل کارمندانی کشگ ءِ شَور بستگ

چاگی :ریکوڈک پروجیکٹ ءِ درگت ءَ بلوچستان ءِ پاکستانی کاسگ چٹیں اُستان سرکار ءُ ٹھیتیان کاپرکمپنی ءِ میان ءَ اڑانی نہ گیشگ ءِ سبب ءَ کمپنی ءَ سائٹ ءِ سر ءَ کارکنوکیں سئے سدیں کارمندانی کشگ ءِ شَور کرتگ ۔ھما کارمند کہ کشگ بوگ ءَ اَنت آھانی تہ ءَ گیشتر ھمدی مردم اَنت ۔ چَہ نیوز ایجنسی ءَ رستگیں ھالانی رِد ءَ ھما کارمند کہ کشگ بنت آھاں شش ماہ ءِ دزمز دیگ بنت اے درگت ءَ سئے شمبے ءِ روچ ءَ پروجیکٹ سائٹ ءَ کمپنی ءِ مزن اُگدہ دارانی یک دیوانے ءَ یک سد ءُ نوزدہ ھَندی مردماں چَہ کمپنی ءَ درکپگ ءِ منتاک ءِ سر ءَ دزرند جتگ بلے لھتیں اے ھبر نہ من اِتگ ءُ زھرشانی کنان ءَ دزرند نہ جتگ ۔