شال : بی آر پی ءِ جنین آدمی بنزہ ٹھ اِتگ ، مزنیں کچے ءَ جنین آدم بی آرپی ءَ ھوار

شال : بلوچ ری پبلکن پارٹی ءِ بنجاھی تْرامکاری مجلس ءِ جارکش شیر محمد بگٹی ءَ بلوچ راج زْرمبش ءِ تہ ءَ جنین آدمانی ھوار بوگ نیکیں پال نامینتگ ءُ گْوشتگ کہ دنیا ءَ آشوبی زْرمبشانی تہ ءَ جنین آدمانی کرد شموشگی نہ اِنت نہ گیگیں جاوراں بلوچ جنین آدمانی زْرمبش ءَ ھوار بوگ نہ ایوک نیکیں مستاگے بلکیں چر ایشی ءَ راج پھازی ءِ زْرمبش ھم مھکم بیت ۔ جارکش ءَ گْوشتگ کہ شال ءَ بلوچ ری پبلکن پارٹی ءِ جنین آدمی بنزھے جوڑ کنگ بوتگ آاُود ءَ مزنیں کچے ءَ جنین آدماں بی آر پی ءِ تہ ءَ ھوار بوگ ءِ جار جتگ ۔ ھوراں بلوچ ءِ سروکے ءَ تْرامکاری مجلسے جوڑ کنگ بوتگ کہ آئی ءِ تہ ءَ وشی بلوچ کمک تْرامکار ، گلناز اھوالکاری کارگشاد بنت ۔ تْرامکاری مجلس یازدہ کسی اِنت۔ نہ گیگیں جاوراں کہ بلوچ پسگ ءَ ناروائی کنگ بوگ ءَ اِنت کشگ ءُ چگل دیگ برجاہ اِنت بلوچ جنکانی گوں بلوچ آجوئی ءِ جھد ءَ ھمگرنچ بوگ وژدلیں بانداتے ءِ شون اِنت ءُ ما سرپد بئے اِیں کہ درسیں پُر مڑاھیں پسگ ، جنک ، جنیں ، پیر ءُ ورنا جھد ءِ پڑ ءَ بیا اَنت ۔ مئے جھد ءِ مراد یک آزاد ءُ وتکواکیں بلوچستان اِنت کہ پہ آئی ءَ اکبر خان بگٹی ، بالاچ مری ، شیر محمد ، غلام محمد ، لالہ منیر ، جلیل ریکی ، سنگت ثناء ، مرید بگٹی ءُ دگہ ھزارھاں شھیداں وتی سر نْدر کرتگ  ما وتی پیشوک ءُ شھیدانی دیمونی ءَ زوال بوگ ءَ نہ ھل اِیں ءُ ھماھانی پداں روان براھمدگ بگٹی ءِ پیشوکی ءُ راھشونی ءَ آزاد بلوچستان ءِ واب ءَ راست کن اِیں ۔ بلوچ راج پُر ھاٹیگ ءُ پردم بہ بیت ، اوپار بہ کنت منزل نوں دور نہ اِنت پُروش بلوچ دژمن واکانی بھت نوشت اِنت ءُ باج مئے بیت ۔