کچلاک : اے این پی ءِ پچیں مراگشے ءِ سر ءَ بم تْراک ، دومرتگ بازٹپی

شال :  اے این پی ءِ پچیں مراگشے ءِ سر ءَ بم تْراک ءُ تیرگواری ءَ دو کسے مرگ  ءُ بازیں ٹپیانی ھال اِنت ۔ ٹپیانی تہ ءَ اے این پی ءِ راھشون ملک قاسم ھم ھوار اِنت ۔ بم اُرش شال ءِ کوچگی ھند کچلاک بازار ءَ بوتگ چَہ بم تْراک ءُ تیرگواری ءَ یک  کسان سالیں جنیں چکے ءَ ھوار دومردم  جاہ پہ جاہ مرتگ ءُ ھپت ٹپی بوتگ ۔ شال ءَ گوں چمن ءَ ھمگرنچ کنوکیں کچلاک بازار ءَ بم تْراک اے این پی ءِ یک پچیں مراگاھے ءِ تہ ءَ بوتگ ءُ اے میان ءَ کچلاک بازار ءَ ھم مچی باز بوتگ ۔ زانگ بہ بیت کہ اے وھدی شال ءَ زورگریں ریاست  پاکستان  سپریم کورٹ ءِ چیف جٹس پہ بلوچستان بے ایمنی کیس ءِ گْوشدارگ ءَ نندوک اِنت ءُ زورگریں ملک ءِ سر وزیر راجہ پرویز اشرف پہ سواد آیگی اِنت ۔ پہ راجہ ءِ پھازگ ءَ زورگریں ملکے سپاھیگ ءُ لشکریاں راجہ ءِ راہ سر ءِ چار دربرجاھاں موکلی داتگ ۔