بدین : ھور ءُ شرتگاں زند نہ گیگ کرتگ

بدین : ھور ءُ شرتگاں زند نہ گیگ کرتگ ۔ ھنکین بدین ءِ شھر پنگریو ءَ  گوازے گوازے  آپ  اُوشتاتگ ۔ بڈگ ءُ دگہ سبباں دوازدہ مردم بیران بوتگ۔ حیدر آباد ءَ   چَہ دو شنبے ءِ روچ ءَ بنا بیوکیں تیزیں ھورانی سبب ءَ  جھلادی دمگ آپ ءَ برتگ اَنت ۔ دگانی سر ءَ آپ  کور ءُ  شیپ  ءِ پیم ءَ ملگ  ءَ اِنت ۔ لطیف آباد نمبر 2ءُ 12ءَ آپ لوگانی تہ ءَ پتر تگ   ۔ ھور ءَ میر پور خاص ، سانگھڑ ، عمر کوٹ ، نوابشاہ ءُ ٹںڈو الہ یار اسر مند کرتگ اَنت ۔ اے شرتگ کنیں ھور ءَ جامشورو ءَ دہ کلاک ءَ گوں شور ءُ گرند ءَ گور تگ ۔چَہ درساں  گیش  ھور میر پور خاص ءَ کساس یک سد ءُ شست ملی میٹر ریکارڈ کنگ بوتگ۔ ٹھٹہ ءُ بدین ءَ پنجاہ ملی میٹر کراچی ءَ  ھور گیشتر ملیر ءِ آتراپ ءَ گوارگ ءَ اِنت گوستگیں بیست ءُ چار کلاک ءَ پی ایف بیس مسرور ءَ چل ءُ پنچ ملی میٹر ءُ گڈاپ ءُ کاٹھور ءَ بیست ءُ پنچ ملی میٹرریکارڈ کنگ بوتگ ۔