چھتر : بلوچستان ءِ دو ھنکینانی چل ءُ سئے شھر ، کوچک ءُ بازار ءِ لکھاں مردم ھوپ ءِ آماچ ، زورگریں سرکار وش واب ءُ ایمن اِنت

چھتر : نصیر آباد ءُ جعفر آباد ءَ ھم چَہ ھار ، مل ءُ شرتگاں پد لاپ دل ، کچک ءُ پوست ءِ دگہ نادراھیاں پہ مردماں بیڑ آئورتگ چَہ اے نادراھیاں ھزارھاں مردم اسرمند بوتگ ءُ نیم ڈاکٹراں تماشا کرتگ ۔ نادراھانی کساس گیش بوگ ءِ سبب ءَ دگہ نادراہ جیکب آباد ءُ لاڑکانہ ءَ پہ دارو درمان ءَ روگ ءَ لاچار اَنت ھر دو ھنکیناں زورع گریں سرکار ءِ جاندراھی ءِ ادارہ وش واب ءُ ایمن اَنت ءُ مردم مرگ ءِ دیمپان اَنت ۔ مل ءَ پد مُچ بوتگیں آکوٹ ءُ پتارانی سبب ءَ ھنداں پری [ مچھر ] ءُ مکسک باز بوتگ ۔ اے ھنکینانی ھند ڈیرہ مراد جمالی ، نوتال ، ربعی ۔ بابا کوٹ ، منجھوشوری ، تمبو، ٹنڈے ، قبولہ ، عزیز آباد ، بیدار ، کوٹ مینگل ، منگولی ، چھتر ، فلیجی ، طاھر کوٹ ، گوٹھ ماچی ، قلندرانہ ، قبہ شیر خان ، شوری ،شر، شوری، مانجھوٹی ڈرابی ، پیروپل ، میر حسن ، دولت گھاڑی ، شاہ پور ، اُوستہ محمد ، روجھان جمالی ، گنداخہ ، ڈیرہ اللہ یار ، چتن پٹی ، درگی ، صحبت پور، حیر دین ، مانجھی پور ، مھوپور، مولوی قادر بخش، جیانی ، حمید آباد ، جھنڈہ تالا، ستارہ تالا، گوٹھ مشرف علی کھوسو، بھنڈ ءُ دگہ بازارانی ھزارھاں مردم نادراھی ءُ کیچک ءَ گیپتگ اَنت ۔ زانگ بیت پنجاب چیر دستیں بلوچ زمین ڈیرہ غازی خان ءِ دمگ تمن بزدار ءَ ھم انچیں ھوپے کپتگ ءُ زورگریں سرکار نادلگوش اِنت ۔