پہ پاکستان ءِ سلامتی ءَ بیوکیں آل پارٹیز کانفرنس ءَ نیشنل پارٹی بھر زور اِیت

شال : نیشنل پارٹی ءِ کمک کماش  ءُ پاکستانی سینیٹر حاصل بزنجو ءَ گوشتگ کہ آئی ءِ پارٹی پاکستان ءِ سلامتی ءِ درگت ءَ اسلام آباد  ءَ بیوکیں آل پارٹیز کانفرنس ءَ بھر زور اِیت ۔ آئی ءَ گوشتگ کہ امریکہ ءِ زوراکیں پالیسیانی سبب ءَ نوں مارا اے ھبر ءِ ترس اِنت کہ آ طالبان شوری ءِ نام ءَ شال ءَ ڈرون اُرش مہ کنت ۔ چَہ ایشی ءَ نیشنل پارٹی ءِ پالیسی انگت پدر بوتگ اَنت کہ آ کجام نیمگ ءَ روگ ءَ اِنت وھدے کہ بلوچ مھلوک ءَ اے ھبر دیریں گیشینتگ کہ آئی ءَ گوں پاکستان ءِ سلامتی ءَ  کار نیست ۔