بی ایل اے نام ءِ سر ءَ زور چانیگ گروگ زوت سرمچارانی نشانگ بنت ' بی ایل ایف

شال :بلوچ سرمچارانی نامی ئیں گل بلوچ لبریشن فرنٹ ءِ جارکش دودا بلوچ ءَ گوشتگ کہ چَہ ایشی ءَ پیش ھم ما ھالرسانک ءِ کمک ءَ بلوچ راج ءَ گوں گوشتگ کہ بلوچ لبریشن فرنٹ ءُ دگہ آجوئی دوستیں گلانی نام ءَ لھتیں مردم مکران ، پنجگور ءُ شال ءِ مردماں زور چانیگ گرگ ءَ اَنت ۔ ما بلوچ راج ءَ اے گوشگ لوٹ اِیں کہ اے سرکاری ٹک اَنت ءُ ایشانی گوں بلوچ لبریشن فرنٹ ءَ ھچ رنگیں سیادی نیست  ءُ بی ایل ایف اے رنگیں ٹکانی دیم ءِ دارگ ءَ کارروائی کنت ۔ بی ایل ایف ءِ سرمچار اے گروہ ءِ پشت ءَ اَنت کہ لھتیں وھد پیسر ءَ ایشاں یک پاکستانی چیر دستیں اُستان وزیرے ھم بی ایل ایف ءِ نام ءَ بلیک میل کرتگ ءُ زور چانیگ گیپتگ ۔ چار شمبے ءِ روچاں آئی ءَ  اے ھر گوں این این آئی ءَ کرتگ اَنت۔ دودا ءَ دیمتر ءَ گوشتگ کہ ما پنجگور ءُ شال ءَ زوت اے گروہ ءِ نام ءَ بلوچ راج ءِ دیم ءَ پدر کن اِین ءُ چَہ ایشاں لھتیں مردم یک نام نہ کشتگیں گلے ءَ گوں ھمگرنچ اَنت کہ آھانی مول ءُ مرادانی بابت ءَ ھچ زانگ نہ بیت پمیشکا بی ایل ایف ءِ نام ءَ کارمرد کنوک زوت مئے سرمچارانی نشانگ بنت ۔