چاریگے کشتگ ءُ پلمالی پوریاتگر آوار جتگ اَنت ' بی ایل اے
Friday, July 13, 2012
مچ / خاران : چَہ پیر اسماعیل زیارت ءَ ھم گْوریں میتگ ءَ ھشت پلمالی پوریاتگر آوار جنگ بوتگ ۔زانگ بہ بیت کہ گْوستگیں روچ ءَ ھم بلوچ آجوئی لشکر [ بی ایل اے ] ءَ چَہ اشکر ءِ کھناں کار کنوکیں پلمالی پوریاتگراں ھپت آوار جنگ ءَ پد کشتگ ءُ جون ڈیگار ی ءَ ایرکرتگ اَنت ۔ بلوچ آجوئی لشکر ءِ جارکش جیھند ءَ گوں اھوالکاراں گپ جنان گْوشتگ کہ ما پیسر ءَ ھم ھژدار داتگ کہ درملکی دژمنانی اشکرروپوکیں شرکتاں ھرکس کار کنت آسر مرگ ئِے بیت ۔جارکش ءَ گْوشتگ کہ شیخ اسلم ءُ سیف اللہ پراچہ پنجابی ءُ بلوچ دژمن اَنت ءُ بلوچ مڈیانی پلمال ءَ ھوار اَنت ۔ مائنرکمپنی ءِ نام ءَ پہ پاکستانی چاروگیں ادراھاں کار کنگ ءَ اَنت پمیشکا گْور ایشاں ھرکس ھمگرنچ بیت کشگ ءَ ئِے چک پد نہ بئے اِیں ۔ جارکش ءَ اے ھم ھال کرتگ کہ بلوچ سرمچاراں ماں خاران ءَ عمر نوشیروانی نامیں چاریگے مردار کوش کرتگ ۔
Comments[ 0 ]
Post a Comment