لیبیا: لیبیا ءَ نیٹو ءِ اُرش چِد ءُ گیش برجاہ بيت نہ كنت۔ کرنل قزافی

لیبیا:  پیشی صدر قذافی ءَ یک آڈیو پیغامے ءَ نیٹو ءِ سرا  ایراد گران ءَ گوشتگ کہ ماں لیبیا ءَ نیٹو ءِ اُرش چِد ءُ گیش برجاہ  نہ بنت۔  لیبیا ءِ سیاسی رھبند راجی لوٹانی پدا ٹھینگ بیتگَ۔ اے رھبند ءِ ھتم کنگ پد نبودیں ھیالے۔ کرنل قذافی ءِ آڈیو پیغام شام ءِعربی ٹی وی ”آرائے” شنگ کُتگ۔ بلے ٹی ۔وی ءَ قذافی ءِ بُنجل ءِ بابت ءَ ھچ نشوندھی نہ کُتگ کہ کُجائیں۔  کرنل قزافی طرابلس ءِ سرا یاگیانی قبضہ ءَ پد بیگواھیں۔  چینل ءَ اے ھم نہ گوشتگ کہ قذافی ءِ اے آڈیو کدی ءُ کُجا پیت بند کنگ بیتگ۔ وھدیکہ قذافی ءِ جارکش ءِ گوشگ اِنت آ انگت لیبیا ءَ موجود  اِنت۔  دومی نیمگ ءَ لیبیا ءِ زرباری شھر ”بنی ولید” ءُ ”سرطے” آں قذافی ءِ منوگرانی ءُ یاگیانی میان ءَ جنگ برجاہ اِنت۔