لندن : ایم کیو ایم سیکریٹریٹ ءِ دیم ءَ زھرشانی ' مرزا ءَ ھم تران کرتگ

لندن : سیاسی گلاں متحدہ قومی موومنٹ ءِ لندن سیکرٹریٹ ءِ دیم ءَ زھرشانی کرتگ ءُ چَہ بڑٹش سرکار ءَ الطاف حسین ءِ شھریت ءِ ھلاس کنگ ءِ لوٹ کنان ءَ گوشتگ کہ  لندن ءَ ایم کیو ایم ءِ سرگرمیانی سر ءَ بندش جنگ بہ بیت ۔ اے درگت ءَ بلوچستان پولیٹیکل فورم ءِ نیمگ ءَ شنگ بوتگیں بیانے ءِ تہ ءَ گوشگ بوتگ کہ  بلوچستان پولیٹیکل فورم ،فرینڈز آف لیاری ، تحریک انصاف ، ایم کیو ایم حقیقی ءُ دگہ گلانی کارکناں ایم کیو ایم ءِ لندن سیکرٹریٹ ءِ دیم ءَ زھرشانی کرتگ ۔گوں زھرشانی کنوکاں سندھ ءِ گوستگیں تھی کارانی وزیر ذوالفقار مرزا ءَ ھم ٹیلی فونی گپ جتگ ءُ ایم کیو ایم سک ایرجتگ ءُ گوشتگ کہ ملک ءُ ایمنی ءِ دژمن سرجمیں دنیا ءِ دیم ءَ پدر کرتگ اَنت ، راستی ءِ سپر برجاہ بیت ۔ ملک ءُ ایمنی ءِ دژمنانی دیم ءِ دارگ ءُ آھانی تچک کنگ ءَ وطن دوستاں یکجا بوگ ءُ وتی کردگار پیش کنگی اِنت ۔بلوچستان پولیٹیکل فورم ءِ سروک حلیم ترین ، فرینڈز آف لیاری حبیب جان بلوچ ءُ دگراں ھم گپ جتگ ۔