درمان ”ازیتھرو مائی سین” بازیں مردمانی مرگ ءِ سوب جوڑ بیت کنت

بام(سائنس) خدا ءِ بندھانی ملک پاکستان ءَ بازیں ”اینٹی بائیوٹیک” درمان ءُ داروآنی کارمرزگ ھر روچئیں دودے، پدا ما وتی ھلک ءِ ھندی ڈاکٹرانی گورا ھمے چیز دیستگ کہ آ گیش چہ گیش ”اینٹی بائیوٹیک” درمان نہ نبشتہ کن اَنت ءُ دینت۔ چیاکہ ”اینٹی بائیوٹیک” دارو ءِ کجام قِسمے بہ بیت، آ زوت اثر انت۔ کجام وڑیں درد ءُ دورے ءَ کمیں وھد ءَ ھلاس کنت۔ ”اینٹی بائیوٹیک” درمان ءِ تاواناں ھرکس پوہ ءُ سرپد اِنت ، بلے برٹش ڈاکٹرانی گُشگ ءِ ردا  ”اینٹی بائیوٹیک” درمان  ”ازیتھرو مائی سین”(Azithromycin) کہ ”ھیسّک” ءُ گوش ءِ نادراھی ءِ ھاترا کارمرزگ بیت، انسانی جاندُراھی ءِ ھاترا گیش ءَ چہ گیش تاوان اِنت ءُ انسان ءِ مرگ ءِ سوب جوڑ بیت کنت۔ ترھجاھی زانوگرانی ردا  ”اینٹی بائیوٹیک” درمان بازیں نادراھیانی ھاترا کارمرزگ بنت، بلے درستاں چہ ابئید، پٹ ءُ پول ءَ چہ ھمے نشون رستگ ”ازیتھرو مائی سین” پہ انسانی جاندراھی ءَ گیش ءَ چہ گیش تاوانبار اِنت ءُ انسان ءِ مرگ ءِ سوب جوڑ بیت کنت۔