شال : بلوچستان یونین آف جرنلسٹس یک اکتوبر ءَ سیاہ روچ دار اِیت ءُ روانک کش اِیت

شال : چَہ بلوچستان یونین اف جرنلسٹس ءِ نیمگ ءَ شال ءِ پجیگ ءَ دگہ ھنکینانی تہ ءَ اھوالکاراں نشانگ کنگ ءُ کشگ ، جتائیں تنظیم ءُ سرکاری ا دارھاںی نیمگ ءَ اھوالکاراں کشگ ءِ بیھار ءُ اھوالکاری کارگساں گوں بم ءَ تراکینگ ءِ بیھار دیگ ءُ وتی دل تبیں ھال شنگ کنائیںگ ءِ کارپدانی ایرجنگ ءَ اکتوبر ءِ یککمی رمس ءَ سرمیں بلوچستان ءَ سیاہ روچ دراگ ءُ روانک کشگ بیت ۔ اے شور گوستگیں روچ ءَ بی یو جے ءِ یک دیوانے ءَ کنگ بوتگ۔ دیوان ءَ اھوالکارانی جنجال ۔ نشانگ کنگ ءُ کشگ ءُ وتی دل تب ءِ ھال ھالتاکاں چاپائینگ ءِ کار پد انی سر ءَ بژن درشانگ بوتگ ۔ آھاں گوشتگ کہ اھوالکاراں گوں کس ءَ کار نیست پہ آھاںی نز ءَ درسیں مذھبی گل ءُ جتائی لوٹوکیں گل یک ھساب اَنت ۔ اخلاق ءِ سیمسرانی تہ ءَ درسیں گلانی ھیالاں چاپگ ءِ پابند اِیں ۔ بھر زوروکاں گوشتگ کہ ما اھوالکاری رھبندانی تہ ءَ کار کن اِیں ۔ اگاں ما اے راھبنداں بے پروش ایں ءُ واکداریں گل ءُ مردمانی زبان ءَ ھال شنگ بہ کن اِیں گڑا اے جاور پہ کس ءَ جوان نہ بنت ۔ آھاں گوں مھکمی گوشتگ کہ اھوالکار وتی ادارہ ءِ پالسی ءُ اھوالکاری راھبندانی سر ءَ کار کن اَنت ءُ کسی بیھار ءَ گوش نہ دار اَنت ءُ نہ کہ کسی زور ءَ من اَنت ۔