واشنگٹن: آئی۔ ایس۔ آئی حقانی نیٹ ورک ءَ کمک کنگ ایں۔ مائیک مولن

واشنگٹن: جوائنٹ چیف آف اسٹاف کمیٹی ایڈمرل مائیک مولن ءَ گوشتگ پاکستانی چیریں دست آئی۔ ایس۔ آئی حقانی نیٹ ورک ءَ کمک کنگ ایں۔ واشنگٹن ءَ عالمی امن ءِ درگت ءَ یک پچیں مراگشے ءَ مائیک مولن ءَ تران کنان ءَ گوشتگ کہ بازیں وھدی بیت کہ آئی۔ ایس۔ آئی پہ اوغانستان ءَ اُرش ءِھاترا حقانی نیٹ ورک ءَ مدت ءُ کمک کنگ اِنت۔ آئی ءَ گوشتگ آئی۔ ایس۔ آئی دھشت گرد ٹولیانی کمک ءَ بند بِہ کنت۔ آئی ءَ گوشتگ پاکستان ءُ امریکا ءِ سیادی باز اھم اَنت۔ گوستگیں وھد ءَ پاکستان ءَ تھنا یل کنگ مئے مزنیں ردی یے بیتگ۔ آئی ءَ گوشتگ مارا باز وھدیں پاکستانی سرکار ءِ سرا زور دیگا اِنت کہ حقانی نیٹ ورک ءِ ھلاپ ءَ قبائلی ھنداں آپریشن بہ کن۔ بلے پاکستان افغانی دھشت گرد ٹولیانی ھلاپ ء۔ پمیشا آپریشن نہ کنت کہ اے رِدا ماں افغانستان ءَ امریکن فوج ءِ در آیگ ءَ آئی ءِ نپاں تاوان مہ رسیت۔  امریکا ءِ او پاکستان ءِ میان ءَ چوشیں ڈرامہ  باز وھدیں کہ بیئگ اِنت۔   بلے اگاں کسے ءَ کمو سَنچ ءُ شعور اَست آ الم زانت کہ اے دوئیں مّلک ڈرامہ کنگایاں۔ اے درامہ آنی یا اے دروگانی آسر باریں کُجا رؤت ءُ سر بیت۔