نیویارک: ڈانی ایالون ءِ گُشتانک، احمد اوگلو ءَ بائکاٹ کُتگ۔

نیویارک: امریکا ءِ شھر نیویارک ءَ دھشت گردی ءِ گِر ءُ دار ءِ سرھال ءَ برجاہ داشتگیں گپ ءُ تران ءَ ازرائیلی دری کارانی نائب ڈانی ایالون ءِ گُشتانک ءِ وھد ءَ تُرکی ءِ دری کارانی وزیر احمد اوگلو ءَ بائکاٹ کُتگ۔ تُرک ٹی۔وی ”ٹی۔آر۔ٹی ءِ رِدا ڈانی ایالون ءِ گُشتانک ءَ پیش احمد اوگلو ءَ عالمی دھشت گردی ءِ گِر ءُ دار ءِ سرھال ءَ گُشتانک داتگ۔ آئی ءَ گُشتانک دیان ءَ گُشتگ کہ دھشت گردی بس یک ملکے ءِ جیڑہ نہ اِنت۔ بلکیں یک ”گلوبل ایشو” یے جوڈ بیتگ۔ پمیشا دھشت گردی ءِ گِر ءُ دار ءِ ھاترا سرجمیں ملکاں ھوار بیئگ ءُ گامگیج زورگے اِنت۔ احمد اوگلو ءِ گُشتانک ءَ رند وھدے کہ ازرائیلی دری کارانی نائب دانی ایالون پہ گُشتانک ءِ ھاترا لوٹائینگ بیتگ۔ تا گُڑا احمد اوگلو پہ زھر ھال ءَ در اٰتکگ۔ ڈانی ایالون ازرائیل ءُ تُرکی ءِ مان گِشتگیں جیڑھانی مستریں ذمہ وار زانگ بیت۔ او 2010 ءَ تل ابیت ءَ ھم آئی ءَ تُرک سفارت کاری ءِ کم شرپی کُتگ۔ تُرکی ءِ گُشگ اِنت کہ اے مَرد سکیں بد تميزے۔