ماسکو: روس ءَ فلسطینیانی نیمگ ءَ ”یو۔این۔او” ءَ آزاد فلسطینی استان ءِ جُہدانی پلہ مرزی ءِ جار جتگ۔

ماسکو:  روس ءَ  فلسطینیانی  نیمگ ءَ  ”یو۔این۔او” ءَ آزاد فلسطینی استان ءِ جُہدانی پلہ مرزی ءِ جار جتگ۔  دومی نیمگ ءَ  فلسطینی  رھدربرانی  ماں ٰ”یو۔این۔او”  ءَ باسکے ءِ  دزبندی ءِ  دارگ ءِ ھاترا امریکا ءَ ھم وتی جُہد برجاہ  داشتگاں۔ روسی  دری کارانی وزیر میخائل بوگ فانوف ءَ رسانکدر ءَ ھال دیان ءَ گُشتگ کہ فلسطین ءِ رھشون 23 ستمبر ءَ اے دزبندی ءَ” یو۔این۔او” ءِ دیم ءَ پیش کن اَنت۔ ما ایشی ءِ پلہ مرزی ءَ کنیں۔ فلستینی آں ماں سلامتی کونسل ءَ پنجاہ ءُ یک  باسکانی ءِ تھا نوہ باسکانی پلہ مرزی درکار اِنت۔ ایشی ءَ چہ دزبندی منگ بیت۔ امریکا ءَ پیش ءَ گُشتگ کہ آ اے منگ نامہ ءَ ”ویٹو” کنت۔ او امریکا ءِ جُہد ھمیش اِنت کہ آدگہ چِل ءُ یک مُلک ھم ویٹو بہ کننت۔ یا بھر مہ زوراں۔ فلسطینی آنی گُشگ اِنت کہ آھاں سلامتی کونسل ءِ شش باسکانی پلہ مرزی گون اِنت۔ دومی نیمگ ءَ امریکاءَ اے درگت ءَ روس ءِ سرا ایراد گِرگ ءَ ابئید اُمیت درشان کُتگ کہ روس چار مُلکی گروپ ”کوارٹیٹ” ءَ گوں ھوار ازرائیل ءُ فلسطین ءِ جیڑہ ءِ گیش ءُ گیوار کنگ ءِ ھاترا وتی کِردا پیلہ بہ کنت۔ وھدیکہ امریکا ءِ کارنیگی انسٹیٹیوٹ ءِ رَدا میان رودرتک ءِ سیاسی جاورانی پژگِرد ءَ پہ فلسطین ءِ جیڑہ ءِ گیش ءُ گیوار ءَ اود ءِ رھشونانی سرا زور دیگ بہ بیت۔