امریکا: امن کونسل ءِ چیئرمین بُرھان الدین ربانی ءِ مرگ باز دلپدردیں گپے، بارک اوباما

امریکا: صدر بارک اوباما ءَ گُشتگ امن کونسل ءِ چیئرمین بُرھان الدین ربانی ءِ مرگ باز دلپدردیں گپے۔ بلے امن ءُ ایمنی ءِ ھاترا مئے جُھد برجاہ اَنت۔ آئی ءَ گُشتگ کہ دھشت گرد وتی مقصداں سوب مند نہ بنت۔ نیویارک ءَ U.N.O ءِ جنرل اسمبلی ءِ مراگش ءَ آئی ءَ حامد کرزئی ءَ گوں فون کنان ءَ گُشتگ۔ بُرھان الدین ربانی ءِ مرگ باز مزنیں تاوانے۔ بلے نوں ھژدری اِنت کہ ما افغان چاگِرد ءِ سرجمیں تب ءُ مئیل ءِ مردمانی چِن ءُ یک جاہ کنگ ءِ جُھد ءَ بہ کنیں۔ تانکہ پہ امن ءُ ایمنی ءِ ھاترا جوانیں گامگیجے دیم ءَ بئیت۔ آئی ءَ گُشتگ افغان دیمروی ءُ امن ءُ ایمنی ءِ برجاھی یے ھاترا بُرھان الدین ربانی ءِ جُہد ءُ کوشستاں ما کدی ھم بیھال نہ بئیں۔ دومی نیمگ ءَ نیٹو ءِ سیکریٹری جنرل اینڈرسن فاگ ءَ گُشتگ کہ بُرھان الدین ءِ  مرگ ماں اوغانستان ءَ امن ءُ ایمنی ءِ جُہداں داشت نہ کنت۔ نیٹو ھر وھد ءَ اوغان اُلس ءِ کُمک ءَ ساڈی اِنت۔