ڈیرہ بگٹی : بی آر اے ءِ اُرش ءُ پہ سرمایہ کاراں ھژدار

ڈیرہ بگٹی : بلوچ ری پبلکن آرمی ءِ سر مچاراں پہ بلوچ مڈیانی لٹ ءُ پل ءَ ھمکاری کنوکیں چینی انجنیرانی سر ءَ اُرش کرتگ ۔ اے رد ءَ بلوچ ری پبلکن آرمی ءِ جارکش سرباز بلوچ ءَ گوشتگ کہ بلوچ سرمچاراں گوستگیں روچ ءَ ڈیرہ بگٹی  ءِ چیر ھنکین سوئی ءَ سیمی نمبر ءِ چات ءِ نزیک ءَ پہ تیل ءُ گیس ءِ شوھاز ءَ آیوکیں چینی کمپنی ءِ مردمانی سر ءَ ریموٹ کنٹرول بم ءَ گوں اُرش کرتگ چَہ ایشی ءَ آھانی دو گاڑی تباہ بوتگ ۔ تباہ بوتگیں گاڑیانی تہ ءَ ریاستی فورسز ءِ گاڑی ھم ھوار بوتگ اَنت۔ سرباز بلوچ ءَ گوشتگ کہ اے اُرش ءِ تہ ءَ یک میجر ءُ چار سپاھیگ مرتگ ءُ چَہ دہ ءَ برز ٹپی بوتگ ۔ جارکش ءَ اے ھم گوشتگ کہ مئے ھژدار ءَ ابید چین ءِ پجیگ ءَ دگہ کمپنی بلوچستان ءَ سرمایہ کاری کنگ ءَ اَنت۔ ما آھاں یک رندے پد ءَ ھژدار دئے اِیں کہ اگاں درملکی کمپنیاں وتی سرگرمی ھلاس نہ کرت ءُ بلوچستان یلو نہ دات گڑا ما وتی اُرشاں گیشتر کن اِیں۔