پاکستان دھشت گردی ءِ بنجاہ اِنت ' کمانڈنٹ جنرل جے پرکاش

جموں :  چَہ سیمسرءَ آ دست چل ءُ دو ھیلکاری کیمپانی تہ ءَ دوسد ءَ بہ گر داں پنچسد سلاہ بندیں جنگول پہ موہ ءِ ودار ءَ نشتگ اَنت ۔پاکستان دھشت گردی ءِ بنجاہ اِنت کہ کشمیر ءَجنگولاں ھیلکاری دیگ ، سامان ءُ مالی کمک کنگ ءَ اِنت ۔ اے ھبر ھندوستانی فوج ءِ 16می کور ءِ جنرل آفیسر کمانڈنٹ جنرل جے پرکاش نھرہ ءَ جمون یونیورسٹی ءِ ڈیپارٹمنٹ آف اسٹرٹیجک اینڈ ریجنل اسٹڈیز ءُ فوج ءِ 16می کور ءِ ھمکاری ءَ گوں برجم دارگ بوتگیں سسا ترانی دیوان ءَ گوشتگ اَنت ۔ آئی ءَ گوشتگ کہ پاکستان دھشت گردی ءِ بنجاہ اِنت ۔ کشمیر ءَجنگولاں ھیلکاری دیگ ، سامان ءُ مالی کمک کنگ ءَ اِنت ۔1947ءُ 48ءَ پہ کشمیر ءِ گرگ ءَ سوبمند نہ بوگ ءَ پاکستان یک ٹپ وارتگیں مزارے ءِ پیم ءَ اِنت کہ آئی ءَ ھندوستان ءِ ھلاپ لیکو ءِ رودم دیگ ءَ کتابانی تہ ءَ دپتر مج اندیم ءُ بدل کرتگ ۔آئی ءَ پاکستان ءِ زمین جاوری ارزش ءِ نیمگ ءَ دلگوش گور کنائینتگ ءُ گوشتگ کہ پاکستان ماں زرباری ایشیاء ءِ تہ ءَ یک گستائیں زمین ءُ اسٹرٹیجک بستارءِ واھند اِنت ۔