بام ھال ءَ نوکی ھپتگے سرجم اِنت کہ وش نیاتکانی منجل ءَ لھڑ جتگ

چیردستیں بلوچستان [ بام ھال شونکار ] بلوچی زبان ءَ اولی رند ءَ ماں انٹر نیٹ ءَ ھال شنگ کنوکیں وبسائٹ بام ھال ءِ کار وش نیاتکاں دوست نہ بوگ ءَ اَنت پمیشکا آھانی سائبر انٹلی جنس ءِ نیمگ ءَ بلاگ ءِ پاسورڈ آوار جنگ بزاں ھیک کنگ ءِ جھد بوتگ ۔ بام ھال اے رنگیں کارپداں ایر جنت ءُ تچک کنت کہ بام ھال ءِ مول ءُ مراد ایوک ءَ بلوچی زبان ءَ ھالانی شنگ کنگ اِنت ءُ اے ادارہ ءَ گوں دگہ چست ءُ ایران کار نیست اگاں بام ھال ءِ ھلاپ ءَ پندل کنگ بوت گڑا ھمے منگ بیت کہ اے کار پہ بلوچی زبان ءِ دیمروی ءِ دارگ ءَ بیت ۔