مشکے ءُ کیچ ءَ زورگرانی سر ءَ اُرش 'شش زورگر مُردار' بی ایل ایف

 

 زیک بیست ءُ شش جولائی ءَ بلوچستان لبریشن فرنٹ ءِ جارکش گھرام بلوچ ءَ زورگریں لشکریانی سر ءَ اُرش ءِ ذمہ ورای من اِتگ ءُ گْوشتگ کہ سرمچاراں کیچ ءِ دمگ ڈانڈار مادگے ءَ زروگرانی چوکی ءِ سر ءَ اُرش کُرتگ ءُ آھاں مزنیں کچے ءَ تاوان رسینتگ ۔

مشکے گورجک ملیشبند ءَ زورگرانی گاڑی ءِ سر ءَ گوں وتکاریں سِلاہ ءُ راکٹاں اُرش کُرتگ چَہ اے اُرش ءَ گاڑی سرجمے ءَ ستکگ ءُ گاڑی ءَ سواریں ششیں لشکری مُردار بوتگ اَنت ۔

جارکش ءَ گْوشتگ داں بلوچستان ءَ دانگے زورگریں سپاھیگ مان اِیت بی ایل ایف ءِ سرمچارانی تپنگ پہ آئی ءَ بیر گْوار اَنت ءُ داں بلوچستان آجو نہ بیت مئے جھد برجاہ مان اِیت ۔