بستگیں شوربندی ءِ پد ءَ جنینانی سر ءَ تیزاپ ریچگ ءُ آ چَہ وانگ ءَ زِبھر کنگ بوگ ءَ اَنت'مِھران بلوچ
Sunday, July 27, 2014
جنیوا : تپاکیں راج ءَ انسانی حقانی جھگیر مِھران بلوچ ءَ شال ءُ مستونگ ءَ بلوچ جنین آدمانی سر ءَ تیزاپ پرریچگ ریاستی دھشت گردی گْوشتگ ءُ تْرندی ءَ ایر جتگ ۔
آئی ءَ گْوشتگ کہ بلوچستان ءَ جنین زھگانی وانگ ءِ بند کنگ ءُ بلوچ جنین آدمانی سر ءَ تیزاپ ءِ اُرش چَہ پاکستانی اسٹبلشمنٹ ءِ نیمگ ءَ بستگیں شوربندی ءِ پد ءَ بوگ ءَ اَنت ۔ وانندھیں جنین آدمانی گوں زانت ءُ سنچ ءَ بلوچ جھد ءَ ھمراھی پہ بلوچ دژمنیں ریاست ءُ آئی ءِ کاسگ چٹاں ترسے جوڑ بوتگ ۔
بلوچ جنین آدماں بلوچ بابا خیربخش ءِ میت چَہ زورگریں ادارہ ءُ آئی ءِ کاسگ چٹاں پچ گیپتگ ءُ گوں راجی داد ءُ شرپ ءَ ھاکانی میار کُرتگ ھمے ھبر زورگر ءُ آئی ءِ کاسگ چٹاں تور اِتگ پمیشکا زورگر جنین آدماں چَہ راج زْرمبش ءَ دور کنگ ءِ جھد ءَ اِنت ۔ شال ءُ مستونگ ءَ جنین آدمانی سر ءَ تیزاپ پرریچگ ءُ ترس ودی کنگ بوگ ءَ اِنت داں انیگیں جنین آدمیں راھشون ءُ جھدکار چَہ زْرمبش دور دارگ بہ بنت ءُ باندات ءَ جنین آدم چَہ زانگ ءُ وانگ ءَ بھرمند بوان زْرمبش ءِ بھر مہ بنت ۔ آھاں چَہ وانگ ءَ زِبھر کنگ ءَ جنین زھگانی اسکول بند کنگ بوتگ اَنت ، زانگ بہ بیت اے پندل ءِ تہ ءَ بلوچستان ءِ کاسگ چٹیں سرکار ءِ نام ءِ راجدوست ھم ھوار اَنت ۔
آئی ءَ گْوشتگ کہ پنجاپ ءَ پہ جنین آدمانی وانگ ءَ بازیں برنامہ جوڑ کنگ بوتگ ، چَہ آھاں '' وانندھیں پنجاپ '' ءُ '' پنجاپی نودربراں لیپ ٹاپ دیگ '' ءُ دگہ آسراتی ھوار اَنت ۔ پنجابی جنک پہ وانگ ءَ ھاسٹلز ءَ نشتگ اَنت ، کالج ءُ یونیورسٹیاں گوں بچکاں یکجا وانگ ءَ اَنت ۔ پنجاپی واکدارانی مات ءُ گھارانی سر ءَ دنیگت تیزاپ پرریچگ نہ بوتگ وھدے کہ دومی نیمگ ءَ بلوچستان ءَ وانگجاہ نہ بوگ ءَ ھساب اَنت ۔ بلوچستان ءَ دو اُوتاکی اسکول کہ آ اُود ءَ نودربر زمین ءِ سر ءَ نند اَنت ءُ وان اَنت گوں تْراک کناں تْراکینگ بنت یا چَہ سرکاری پرمان ءَ بند کنگ بنت ۔
بلوچ جنین آدم پہ وتی لوٹاں چَہ لوگاں درکپ اَنت ، گڑا آھاںی سر ءَ تیزاپ ریچگ بیت ۔ بلوچ راج اے جیڑہ ءَ گوں سنگینی ءَ بہ زیر اِیت ءُ مارا گوں تپاکی دژمن ءِ پندل ناسوب کنگ لوٹ اَنت ، اگاں ما چوش مہ کن اِیں گڑا مئے آیوکیں پدریچ اسرمند بیت ۔
آئی ءَ چَہ انسانی حق ءِ ھَندی ءُ میان اُستمانی ادارھاں لوٹ کُرتگ کہ آ پاکستان ءِ ریاستی دھشت گردی ءِ نیمگ ءَ دلگوش گْور بہ کن اَنت ۔
آئی ءَ گْوشتگ کہ بلوچستان ءَ جنین زھگانی وانگ ءِ بند کنگ ءُ بلوچ جنین آدمانی سر ءَ تیزاپ ءِ اُرش چَہ پاکستانی اسٹبلشمنٹ ءِ نیمگ ءَ بستگیں شوربندی ءِ پد ءَ بوگ ءَ اَنت ۔ وانندھیں جنین آدمانی گوں زانت ءُ سنچ ءَ بلوچ جھد ءَ ھمراھی پہ بلوچ دژمنیں ریاست ءُ آئی ءِ کاسگ چٹاں ترسے جوڑ بوتگ ۔
بلوچ جنین آدماں بلوچ بابا خیربخش ءِ میت چَہ زورگریں ادارہ ءُ آئی ءِ کاسگ چٹاں پچ گیپتگ ءُ گوں راجی داد ءُ شرپ ءَ ھاکانی میار کُرتگ ھمے ھبر زورگر ءُ آئی ءِ کاسگ چٹاں تور اِتگ پمیشکا زورگر جنین آدماں چَہ راج زْرمبش ءَ دور کنگ ءِ جھد ءَ اِنت ۔ شال ءُ مستونگ ءَ جنین آدمانی سر ءَ تیزاپ پرریچگ ءُ ترس ودی کنگ بوگ ءَ اِنت داں انیگیں جنین آدمیں راھشون ءُ جھدکار چَہ زْرمبش دور دارگ بہ بنت ءُ باندات ءَ جنین آدم چَہ زانگ ءُ وانگ ءَ بھرمند بوان زْرمبش ءِ بھر مہ بنت ۔ آھاں چَہ وانگ ءَ زِبھر کنگ ءَ جنین زھگانی اسکول بند کنگ بوتگ اَنت ، زانگ بہ بیت اے پندل ءِ تہ ءَ بلوچستان ءِ کاسگ چٹیں سرکار ءِ نام ءِ راجدوست ھم ھوار اَنت ۔
آئی ءَ گْوشتگ کہ پنجاپ ءَ پہ جنین آدمانی وانگ ءَ بازیں برنامہ جوڑ کنگ بوتگ ، چَہ آھاں '' وانندھیں پنجاپ '' ءُ '' پنجاپی نودربراں لیپ ٹاپ دیگ '' ءُ دگہ آسراتی ھوار اَنت ۔ پنجابی جنک پہ وانگ ءَ ھاسٹلز ءَ نشتگ اَنت ، کالج ءُ یونیورسٹیاں گوں بچکاں یکجا وانگ ءَ اَنت ۔ پنجاپی واکدارانی مات ءُ گھارانی سر ءَ دنیگت تیزاپ پرریچگ نہ بوتگ وھدے کہ دومی نیمگ ءَ بلوچستان ءَ وانگجاہ نہ بوگ ءَ ھساب اَنت ۔ بلوچستان ءَ دو اُوتاکی اسکول کہ آ اُود ءَ نودربر زمین ءِ سر ءَ نند اَنت ءُ وان اَنت گوں تْراک کناں تْراکینگ بنت یا چَہ سرکاری پرمان ءَ بند کنگ بنت ۔
بلوچ جنین آدم پہ وتی لوٹاں چَہ لوگاں درکپ اَنت ، گڑا آھاںی سر ءَ تیزاپ ریچگ بیت ۔ بلوچ راج اے جیڑہ ءَ گوں سنگینی ءَ بہ زیر اِیت ءُ مارا گوں تپاکی دژمن ءِ پندل ناسوب کنگ لوٹ اَنت ، اگاں ما چوش مہ کن اِیں گڑا مئے آیوکیں پدریچ اسرمند بیت ۔
آئی ءَ چَہ انسانی حق ءِ ھَندی ءُ میان اُستمانی ادارھاں لوٹ کُرتگ کہ آ پاکستان ءِ ریاستی دھشت گردی ءِ نیمگ ءَ دلگوش گْور بہ کن اَنت ۔
Comments[ 0 ]
Post a Comment