گوریلا کمانڈر شھید میرشائستہ خان ءِ لوگ ءِ سر ءَ اُرش ءُ انگیر جوانیں کارے نہ اِنت ' پد چَہ ائید ءَ مینگلانی دیوان بیت' مینگل ٹک

شال : ھمدستیں مینگل ٹک [ متحدہ مینگل قبایل ] نامیں گلے ءِ  ءِ بنجاھی جارکش ءَ وتی بیانے ءِ تہ ءَ  گْوستگیں روچ ءَ پیسرگیں گوریلا کماندار شھید میرشاَئستہ خان مینگل ءِ لوگ ءِ سر ءَ اُرش ءُ آئی ءِ انگیر کنگ ایرجنان ءَ گْوشتگ کہ ٹکی راھشون میر کوھی مینگل ءُ میرجنگی خان مینگل ءِ نگھوان جاویدمینگل ءِ کوش ءِ سر ءَ پولیس ءَ جابنداری کُرتگ نامداتگیں کشندہ نہ ایوک یلہ کُرتگ اَنت بلکیں ٹکی راھشون میر کوھی خان مینگل ءِ لوگ ءِ سر ءَ بیڑ برگ ءَ ھم میار نہ کُرتگ ۔ سرچ آپریشن ءِ نام ءِ سر ءَ چادر ءُ چار دیوال ءِ شرپ لگتمال کُرتگ ءُ دنیگت لوگ  انگیر  ءَ داشتگ ۔

جارکش ءَ گّْوشتگ کہ اُستانی سرکار ءَ ھواریں وزیر وتی دزمُز ءَ گیش کنان پہ وتی کْوھنیں کنتاںءَ اے رنگیں کپتگیں کار کنگ ءَ اَنت ۔

جارکش ءَ کسانیں ائید ءَ پد مینگل ٹک ءِ دیوان لوٹائینگ ءِ جار جتگ داں دیوان ءِ تہ ءَ دیمتر ءِ شوربندی ءُ اے رنگیں سلیں کارانی دیم ءِ دارگ ءَ ھمدستی ءُ توانمندی پیش دارگ بہ بیت ۔