تربت: کوہ ءِ مراد ءِ زیارتیانی سر ءَ بیڑ ، زورگراں جنین لٹ داتگ ءُ دلیپ چست کُرتگ

تربت : پاکستانی زورگریں لشکریاں چَہ کوہ مراد ءِ زیارت ءَ واتر بیوکیں مردمانی راہ بستگ ءُ وتی چاریگانی کمک ءَ بازیں مردمے دزگیر کنگ ءَ پد بیگواہ کُرتگ ۔

چَہ جنین آدمانی زھرشانی ءَ زورگریں لشکریاں باھند کُرتگ ءُ جنین آدم  گوں لٹاں مان بستگ اَنت ۔

زیارت ءِ مستریں دروازگ آپسر ڈک زورگریں لشکریاں بستگ ءُ دموکہ بستگیں چاریگانی کمک ءَ بازیں مردم آوار جتگ ۔

آوار جتگینانی تہ ءَ شاہ داد ءِ چُک '' دلیپ ''ھم آوار اِنت ۔