نوک کاھان ءَ پنجاپی لشکرکشی سرگنوکی اِنت ' بی این وی

بلوچ نیشنل وائس ءَ وتی پریس ریلیز ءِ تہ ءَ گْوشتگ کہ نوک کاھان ءَ پنجابی زورگرءِ لشکرکشی دژمن ءِ سر گنوکی اِنت ۔ 

آئی ءَ گْوشتگ کہ اے رنگیں دھشت گردی بلوچ ءِ جوزگ ءُ اِردھاں نزور کرت نہ کن اَنت ۔ بلوچ راج یک بے ابرم ءُ نامرادیں ریاستے ءِ ھر گْونگیں جبر ءُ زوراکیانی دیمپانی ءَ سرگْرستگ اَنت ۔ بلوچ دپتر بلوچ ورناھاں مدام ھون ءُ آس ءِ کْور گوستگ ءُ نوشتگ ۔ پنجابی زورگریں دژمن ءِ اے ردمنی اِنت کہ آ بلوچاں ترسینت ءُ چَہ آجوئی ءِ زْرمبش ءَ دزکش بوگ ءَ لاچار کرت کنت ۔ دنیا ءِ دپتر ءَ تچک اِنت کہ زوراکی ءُ جبر ءِ شپ ستر لنج ءُ تھار بہ بیت بلے سھب الم کئیت ۔