سرگرمی زانشتی اَنت نہ زان آں پرچا دلسیاہ کنگ ءَ اَنت ' بانک نوشین

شال : بانک نوشین کمبرانی ءَ گون وش ٹی وی ءَ گپ جنان ءَ وتی گس ءِ سر ءَ پاکستانی لشکریانی اُرش ءِ درگت ءَ گْوشتگ کہ من یک لیکچرارے آں منی سرگرمی زانشتی اَنت نہ زاں آں پرچا لھتیں روچ اِنت کہ من دلسیاہ کنگ بوگ ءَ آں کدی گس ءِ یلو کنگ ءِ ھبر کنگ بیت ءُ کدی کشگ ءِ بیھار دئیگ بیت ۔ 

آئی ءَ گْوشتگ کہ بلوچستان ءَ انچیں جاور ودی کنگ بوگ ءَ اِنت کہ ندکار، دانشور ھچ مہ کن اَنت ۔ 

آئی ءَ گْوشتگ کہ ما کئی  سر ءَ ایف آئی آر بہ کن اِیں بلوچستان ءَ دانشور ءُ ندکار روچ رھمی کشگ بوگ ءَ اَنت ءُ اے ھرکس زانت بلے ھچ رنگیں گامگیج زورگ نہ بوگ ءَ اِنت ۔ 

آئی ءَ گْوشتگ کہ بلوچستان ءَ بازیں دروگیں نامانی سر ءَ وتگڑیں گل جوڑ کنگ بوتگ کہ بازیں کارانی تہ ءَ دست اِش مان بلے آھانی دارگ ءَ ھچ رنگیں کارروائی کنگ نہ بیت ، آھاں بلوچ دانشور ءُ ندکار کشتگ اَنت ۔