زورگریں ریاست ءِ جھد اِنت کہ ایردستانی سر ءَ جبر بہ کنت ' ڈاکٹرمنان

بلوچ نیشنل موومنٹ ءِ کار گشاد ڈاکٹر منان ءَ گوں وش ٹی وی ءَ گپ جنان گْوشتگ کہ زورگریں ریاست ءِ مدام جھد ھمیش اِنت کہ آ زیردستیں راجانی سر ءَ جبر بہ کنت ۔آھاںی دانشور ، سیاستدان ءُ دگہ تک ءِ مردماں بہ کُش اِیت ءُ وتی لوٹ ءُ کاراں دیم ءَ بہ بارت بلے اے دژمن ءِ نا پھتوئیں ھیالے ۔

آئی ءَ گْوشتگ کہ گْورے ریاست ھمے رنگیں کار کنت دومی نیمگ ءَ بلوچ نیشنل موومنٹ ءُ بی ایس او آزاد رنگیں آزادی پسندیں پارٹی دانشور ءُ دگہ تک ءِ مردم ودی کنگ ءَ اَنت داں جاورانی دیمپانی کنگ بہ بیت ءُ دژمن پْروش دئیگ بہ بیت ۔ آئی ءَ گْوشتگ کہ مئے جھدبرجاہ اِنت ءُ داں بلوچ راج آجوئی ءَ برجاہ مان اِیت ۔