واشنگٹن : امریکہ ءِ گوں چیر دستیں راجاں ناروائیں کردگار

واشنگٹن : امریکہ ءِ گوں زیر دستیں راجاں ناروائیں کردگارانی راز پاشک بیان اَنت ۔ چَہ امریکی ھال رسانی ادارھے ءِ رِد ءَ امریکہ کردستان ورکرز پارٹی ءِ آجوئی لوٹوکیں گلانی سرگرمیانی چاریگی ءَ گوں ترکی ءَ ھمکار اِنت ۔  اے ھال گوں اے ھال ءَ ھمگرنچ اَت کہ امریکہ چَہ عراق ءَ وتی فوجیانی درکپگ ءِ پیش بندی ءَ ترکی ءَ بے پائلٹیں چاریگیں گراب اُوشتارینگ ءِ درگت ءَ چار بچار کنگ ءَ اِنت۔ اے گراب عراق ءَ چَہ امریکہ ءِ ایئربیساں چست بنت ۔ واکدار ءَ گوشتگ کہ سی ءُ یک دسمبر ءَ چَہ عراق ءَ امریکہ  ءِ فوجیانی سرجم ءَ درکپگ ءَ پد بازیں کارچارگ لوٹ اَنت ۔ چَہ ترکی ءِ نیمگ ءَ اے درگت ءَ دنیگت ھچ گوشگ نہ بوتگ