دوحہ : امریکہ گوں طالباناں ھمکاری کنگ ءَ اِنت

دوحہ :  چَہ طالبان ءِ نیمگ ءَ وتی اولی سیاسی ھیڈ کوارٹر قطر ءِ بنجاھی شھر دوحہ ءَ  پچ کنگ ءِ چنچلانچ بوگ ءَ اِنت پہ اے کار ءَ آھاں امریکہ ءِ ھم پلہ مرزی گون اِنت ۔ امریکہ  اوگانستان ءَ جنگ ءِ ھلاسی ءِ اُوست ءَ آئی ءِ پلہ مرزی کنگ ءَ اِنت ۔ برٹش روتاک ڈیلی میل ءَ دی ٹَائمز ءِ درگت ءَ نوشتگ کہ اوگانستان ءَ پہ 10سال ءِ جنگ ءِ ھلاس کنگ ءَ بیوکیں گپ ءُ تران ءِ رد ءَ امریکہ میانی رودرتک ءَ  پہ طالبانانی سیاسی سرگرمیاں ھیڈ کوارٹر پچ کنگ ءِ شور بندی  ءَ ھوار اِنت ۔اوگانستان ءِ اسلامیہ امارت ءِ ھیڈ آفس چَہ کرسمس ءَ پیش قطر ءَ وتی سرگرمیاں بندات کن اَنت ۔ اے اُوست بندگ بوگ ءَ اِنت کہ چَہ اے کار ءَ گوں طالبان ءَ گپ جنگ ءَ کمک رس اِیت ۔  چَہ گوستگیں  ھپتگے ءَ طالبان راھشون طیب آغا  گوں روایرشتی سفیراں گپ جنگ ءَ اِنت ۔ نوں ھمے سما کنگ بوگ ءَ اِنت کہ  اے گامگیج  گشاد کنگ بنت ۔ طالبان  ءِ سپریم لیڈر ملا محمد عمر اے گپ ءُ ترانانی پشتیبان زانگ بیت ۔وھدے قطر ءَ ھیڈ کوارٹر پچ بہ بیت گڑ اطالبان ءَ چَہ دوھزار یک ءَ پد اولی رند ءَ یک سیاسی پارٹی یے بستار رس اِیت ۔