مستونگ : ڈاکٹر دین محمد بنگلزئی ھم آوار ' بلوچ ڈاکٹرانی اوپی ڈیز بند زھرشانی

مستونگ : بولان میڈیکل کالج [ بی ایم سی ] ھسپتال ءِ سرجن چَہ مستونگ ءَ شال ءِ روگ ءِ میان ءَ سورگز ءِ ھند ءَ تپنگیاں راہ بستگ ءُ آوار جتگ ۔ ھالانی رِد ءَ سرجن ڈاکٹردین محمد بنگلزئی چَہ مستونگ ءَ وتی کلینک ءَ نادراھانی چارگ ءَ پد گوں وتی گاڑی ءَ شال ءَ روگ ءَ بوتگ کہ سورگز ءِ ھند ءَ تپنگیاں راہ بستگ ءُ چَہ گاڑی ءَ کش اِتگ ءُ آوار جتگ ۔

بلوچ ڈاکٹر فورم ءَ سرجن دین محمد ءِ آوارجنگ ءِ سر ءَ مروچی سرجمیں بلوچستان ءَ اوپی ڈیزانی بند کنگ ءِ جار جتگ ۔ 

بلوچ ڈاکٹر فورم ءِ جارکش ءَ گْوشتگ کہ سیکورٹی فورسزانی چیک پوسٹانی بوگ ءَ ابید شھروندانی آوار جنگ یک جیڑھے کہ سیکورٹی ءَ ابید ھم بلوچ ڈاکٹر آوار جنگ بوگ ءَ اَنت ما اے سرپد بئے اِیں پہ ز ور بلوچ ڈاکٹر آوار جنگ بوگ ءَ اَنت ۔ 

بلوچ ڈاکٹر فورم ءَ چَہ سرکاری واکاں لوٹ کرتگ کہ سرجن ڈاکٹر دین محمد بلوچ زوت درا کنگ بہ بیت اگاں ناں بلوچ ڈاکٹر تْرندیں گامگیج زورگ ءَ لاچار بنت۔