ایران پاکستان ءَ تیل دنت ، گوادر ءَ پالائشجاہ جوڑ کنگ بیت ' ھالرسان

کراچی : ایران ءَ پاکستان ءَ نپالیں تیل [ خام تیل] دئیگ ءِ پیشکش کرتگ پہ ایشی ءَ ھم پائپ لائن چیر گیجگ بیت ۔

 ھالرسان این این آئی ءِ رِد ءَ امریکہ ءِ نہ منگ ءَ ابید ھم ایران ءَ پاکستان ءَ  نپالیں تیل پجارینگ ءِ پیشکش کرتگ ۔ پہ تیل ءِ پالائیگ ءَ گوادر ءَ آئل ریفائنری جوڑ کنگ بیت ۔ 

زانگ بہ بیت کہ سال ءُ نیم پیش ھم دو پاکستانی آئل ریفائنری سئے ماہ ءِ وام ءِ سر  ءَ چَہ ایران ءَ تیل بھا زورگ ءُ پالائیگ ءَ اِت اَنت بلے چَہ تپاکیں راجانی گل [ یواین او ] ءِ پابندیانی سبب ءَ بینکاں پہ ایران ءَ لیٹر آف کریڈٹ پچ کنگ بند کرتگ پمیشکا چَہ ایران ءَ وام تیل زورگ بند بوتگ ۔ 

ایران ءَ پاکستان ءَ اے ھم پیشکش کرتگ کہ ایران پا کستان گیس پائپ چیر گیجگ  ءَ ھم تکنیکی ءُ مالی کمک کنت ۔

 زانگ بہ بیت کہ ایران ءُ پاکستان ءِ نیام ءَ چَہ بلوچستان ءِ سیمسری ڈک  دوسد ءُ پنجاہ ءَ گیس پائپ لائن چیرگیجگ ءِ کار چَہ ایران ءِ نیمگ ءَ تیزی ءَ بوگ ءَ اِنت بلے میان اُستمانی پابندیانی سبب ءَ پاکستان ءَ دنیگت ھچ رنگیں گامگیج نہ زرتگ اے جاوراں کہ پاکستان یک پیشگیں مسام بندی یے سر ءَ دیم ءَ جنزگ ءَ مامانگو [ شش ءُ پنچ ] اِنت چَہ ایران ءِ نیمگ ءَ  تیل پائپ لائن  چیرگیجگ ءِ  نوکیں پیشکشے کنگ بوتگ ۔