پشوکان ءَ پانزدہ کوسٹ گارڈ ءِ کارنندہ کشتگ ءُ سلاہ برتگ اَنت ' بی ایل ایف

شال : بلوچ لبریشن فرنٹ ءِ جارکش بشام بلوچ ءَ گْوشتگ کہ  پشوکان ءَ کوسٹ گارڈ چیک پوسٹ ءِ سر ءَ مئے سرمچارانی اُرش ءَ پانزدہ کوسٹ گارڈ کارنندہ مرتگ ءُ آھانی سِلاہ مئے سرمچاراں گوں وت برتگ اَنت چَہ ایشی ءَ ابید مشکے ءَ ھم شش جاہ ءَ ایف سی ءِ کانوائے سر ءَ اُرش بوتگ چَہ اے اُرشاں ایف سی ءِ ھشت کارنندہ مرتگ ءُ چار ٹپی بوتگ ۔
آئی ءَ گوں اھوالکاراں گپ جنان اے ھم گْوشتگ کہ چَہ بی بی سی ءِ جھگیر ایوب تْرین ءِ جانبداریں روش ءِ سبب ءَ بی ایل ایف بی بی سی اُردو ءِ بائیکاٹ کنت ءُ بی بی سی اُردو ءِ کارمستر ءَ آگاہ کنت کہ اگاں آھاں اے جانبداریں روش ءِ سر ءَ ایکشن نہ زرت گڑا ما تْرندیں گامگیج زور اِیں ۔