پنڈوکانی دپ بوج

کراچی: دپ بوج ءِ وھد ءَ سڑکانی سرا ”پرزونگ” پچ کنگ بنت ءُ پنڈوک ءُ بزگراں ورگ وارینگ بیت۔ اے پہ ملایاں کار خیر ءُ ثواب اِنت۔آ لوٹ اَنت کہ غریب ءُ بزگر مئے احسان مند بہ بنت۔ اے کار نفسیاتی حوالہ ءَ مزنیں پژدرے داریت۔ ملا استحصال ءَ برجم دارگ لوٹ اَنت ءُ آ لوٹ اَنت کہ غریب پہ مدامی مئے غلام ءُ احسان مند جوڑ بہ بیت۔۔۔۔۔۔مارکسی نقطہ نظر ءَ اے ھما تب اِنت کہ پہ بزگر ءِ استحصال ءَ آئی ءِ ذھن ءَ نادینگ بیت کہ غریبی ءُ سیری خدائی دادے۔۔۔

بلے مردم حیران اِنت کہ اے کجام بکواس اِنت کہ ھر دور ءُ ھر زمانگ ءَ مذھبی ملا مذھب ءِ نام ءِ سرا غریب ءَ ھمے احساس ءَ دیگ لوٹ اَنت کہ غریبی ءُازگارے خدائی دادے۔۔۔۔بلے راستی ایش اِنت کہ اے استحصال ءِ یک دروشمے کہ غریب ایشی ءَ سرپد نہ بیت۔ چیاکہ اے تب بزگر ءُ غریب ءِ تب ءُ نفسیات ءَ گوں ھوار گیجگ بیتگ ءُ غریب ایشی ءَ پاکیں خدا ءِ قانون سرپد بیت۔ بلے اے مزنیں خدا ءِ قانون نہ اِنت، پاکستانی خدایانی قانون اِنت۔