شھید ءِ رِتکگیں ھوناں بلوچ جیڑہ میان استمانی تکاں سر کُتگ۔ کچکول بلوچ

بام:بلوچ رھشون واجہ کچکول ءَ ھندی بلوچی چینل ءَ تران کنان ءَ گشتگ، پارلیمانی سیاست بلوچ ءِ دردانی دوا بیت نہ کنت۔ بلوچ نیشنلزم ءِ بنیاد راجی آجوئی ءِ فکر ءِ سرا ایر کنگ بیتگ، وھدیکہ ما اینکہ سالاں گوں گوں پاکی پارلیمنٹ ءَ ھوار بیتگ اِنت ھچ وڑیں نپ نہ رستگ، بس بیان داتگ ءُ وتی دل سھڑینتگ، پاکستانی ادارھاں جمہورت ءِ دروشم ھم نہ جنت۔ پارلیمانی سیاست وھد زوال کنگ اِنت۔

واجہ کچکول گشتگ مرچی کہ بلوچ جنز ءَ ماں میان استمانی تکاں سوب مندی رستگ ءُ بلوچ ءِ جیڑہ ماں میان راجی تکاں سر بیتگ۔ اے پارلیمانی بھر زورگ ءِ سوب نہ اِنت۔ بلکیں ھما راجی بچانی رِتکگیں ھونانی بدولت ءَ مرچی بلوچ جُھد ءَ رنگ آؤرتگ ءُ بلوچ جیرہ میان استمانی تکاں سر بوتگ۔