سلاہ بندیں گلاں بازیں کارانی ذمہ واری من اتگاں

بام: بلوچستان ءِ دمگ ڈیگاری ءَ ھپت پاکستانی کمپنیاں کارکنوکیں پوریاگرانی لاش دزکپتگ اَنت۔ کُشتگیں پاکستانی پوریاگر 7 جولائی ماں مارواڑ ءِ دمگ ءَ آوار جنگ بوتگ اَنت۔ وھدیکہ بلوچ سلاہ بندیں گل ”بلوچ لبریشن آرمی” ءَ کُشتگیں پاکی پوریاگرانی کوش ءِ ذمہ واری من اِتگ۔ دومی نیمگ ءَ ماں کراچی ءِ دمگ مواچ ءَ ”سپارکو” بس ءِ سرا ارش ءَ دو مُرتگ ءُ باز ٹپی بیتگ۔ ”سپارکو” بس ءِ سرا ارش ءِ ذمہ واری بلوچ سلاہ بندیں گل ”لشکر بلوچستان” ءَ مَنّ اِتگ۔ جارکش میر لونگ خان ءِ ردا بس سرجم پُرشتگ ءُ تباہ بیتگ۔