برگاس : ازرائیلی سوادیانی سر ءَ اُرش ،نیتن ءَ ایران میاربار لیک اِتگ

برگاس : بلگاریا ءِ دمگ برگاس ءَ  بسے ءِ تہ ءَ بم تْراک ءَ ھپت اِزرائیل ءِ سوادی مرتگ ءُ بازینے ٹپی بوتگ ۔ ازرائیل ءِ سروزیر نیتن یاھو ءَ گْوشتگ چَہ نشانیاں ھمے زانگی دنت کہ '' اے کار ءِ تہ ءَ ایران ءِ دست ھوار اِنت ۔'' بلگاریا ءِ تھی کارانی وزیر ءَ گْوشتگ پہ شَور بندی بوتگیں اُرش برگاس ءِ کوچگی دمگ ءَ یک بسے ءِ تہ ءَ بوتگ ۔ ھمے گمان اِنت کہ بس ءَ کساس چل مسافر سوار بوتگ کہ چَہ بلیک سی ائرپورٹ ءَ سوار کنگ بوتگ اَنت ۔ 

ازرائیل ءِ سر وزیر بنجامین نیتن یاھو ءَ ایران ءِ سر ءَ میار لڈ اِتگ ءُ گْوشتگ کہ '' اُرش چد ءُ پیش جارجیا، تھائی لینڈ ءُ ''سائپرس ءَ بوتگیں اُرشانی وڑ ءَ کنگ بوتگ ۔ 

آئی ءَ گْوشتگ کہ '' اے ایرانی یک دھشت گردیں اُرشے کہ سرجمیں جھان ءَ تالان بوان اِنت ۔''