گوادر : پلیری کھدہ بازار ءَ کوسٹ گارڈ ءِ دھشت گردی ، ھشت دزگیر
Monday, July 23, 2012
گوادر : پشوکان ءَ بی ایل ایف ءِ سوبمندیں اُرش ءَ پد زیک دبوج ءِ وھد ءَ کوسٹ گارڈ ءِ کرنل ءَ گوں پنچ گاڑی ءَ پشوکان ءُ گوادر ءِ میانی کوچگ پلیری ءِ کھدہ بازار ءِ سر ءَ لشکرکشی کرتگ ۔
کوسٹ گارڈ ءِ لشکریاں کھدہ بازار ءَ لوگانی تہ ءَ پٹ ءُ پول کرتگ جنین ءُ چک ترسینتگ ءُ بیھار داتگ اَنت ۔ آھاں چَہ اُدو ءَ ھشت مردم ھم دزگیر کرتگ ۔دزگیرکرتگیں مردمانی تہ ءَ ناھدا سید محمد ، قیوم ءُ مسلم ھم ھوار بوتگ اَنت ۔ کوسٹ گارڈ ءَ دو نود سالی کماش ھم ھمے لشکرکشی ءِ میان ءَ دزگیرکرتگ ءُ وتی شنکجہ جاھاں برگ ءَ پد الکاپی ءَ لٹ داتگ ءُ بلوچ سرمچاراںی درگت ءَ جست ءُ پرس کرتگ اَنت ۔ چَہ آھانی لٹ دئیگ ءَ بے سوب بوگ ءَ پد آ شپ ءِ اَدار سئے ءَ یلو داتگ اَنت ۔
Comments[ 0 ]
Post a Comment