زرباری کردستاں ءِ بازیں شھر آزاد ، کرداں سرکاری ادارھانی کار وتی دست ءَ زرتگ اَنت

کمیشلی : سوریا [ شام ] ءِ ایردست کرتگیں زرباری کردستان ءِ بازیں شھر کرد سرمچاراں چَہ بشار لشکر ءِ دست ءَ آجو کرتگ ۔

آجو بوتگیں شھرانی تہ ءَ دْیرک نامیں شھرے ھم ھوار اِنت کہ چَہ ترکی ءِ سیمسراں دہ کلومیٹر ءِ ھساب ءَ بیت ۔

آزاد بوتگیں شھر ءِ کرداں سرکاری ادارھانی کار وتی دست ءَ زرتگ اَنت ۔ دْیرک سیمی شھر اِنت کہ گْوستگیں سئے روچانی تہ ءَ کرد سرمچاراں دز گیپتگ ۔ پیپلز ڈیفنس یونین نامیں کرد سرمچارانی گل ءَ نوزدہ جولائی ءَ کوبانی نامیں شھر ءُ افرن بیست جولائی ءَ چَہ زورگریں لشکر ءِ دست ءَ پچ گیپتگ اَنت ۔