کراچی : چین ءِ سفارتجاہ ءِ سر ءَ لشکر ء بلوچستان ءِ اُرش

کراچی : چین ءِ سفارتجاہ ءِ سر چَہ دیرواگیں تْراکے ءَ موٹرسائیکل ءُ گاڑھیاں تاوان رستگ ۔ کراچی پولیس ءِ رِد ءَ کلفٹن ءَ چین ءِ سفارتجاہ ءِ گْور ءَ تْراک بوتگ چَہ ایشی ءَ سئے موٹر سائیکل ءُ یک گاڑی یے ءَ تاوان رستگ ۔

پولیس ءِ گْوشگ اِنت کہ تْراکنیں مواد یک موٹرسائیکلے ءِ تہ ءَ کنگ بوتگ اِت اَنت کہ گوں دیر واگ ءَ تْرکینگ بوتگ ۔

چَہ تْراک ءَ رینجرز ءِ کارنندہ ءِ پجیگ ءَ دو مردم ٹپی بوتگ کہ ھسپتالی اَنت ۔

لشکر ء بلوچستان ءِ جارکش لونگ بلوچ ءَ اے اُرش ءِ ذمہ واری من اِتگ ءُ گْوشتگ کہ ما چین ءِ پجیگ ءَ توامیں ملک ءُ میان اُستمانی شرکتاں ھژدار کن اِیں کہ اگاں آھاں بلوچ مڈیانی پلمال بند نہ کرت ءُ چَہ بلوچ گلزمین ءَ در نہ کپت آں ما آھانی پروجیکٹ ءُ مردماں نشانگ کن اِیں ۔