چَہ گوادر داں دزاپ : پہ بلوچاں ڈالچاری ءِ یک گونگیں کسہ ' یواین پی او

برسلز: بے جھیگریں راج ءُ مردمانی گل [ یو این پی او ۔ اَن ری پریزنٹڈ نیشنز اینڈ پیپلز آرگنائزیشن ] ءَ دہ جولائی دو ھزار دوازدہ ءَ شنگ بوتگیں وتی یک بیانے ءِ تہ ءَ گْوشتگ کہ ایران ءُ پاکستان ءَ بلوچانی جھگیر واجہ نصیربلیدی ءُ واجہ نورالدین مینگل ءَ نوجولائی دوھزار دوازدہ ءَ برسلز ءِ شرپمندیں سواد کرتگ ءُ ھردو ملکانی تہ ءَ بلوچانی سر ءَ بوتگیں انسانی حقانی یکشلیں لگتمالی ءِ درگت ءَ آگاھی داتگ ءُ سوج داتگ کہ یورپی یونین آھانی سر ءَ ایران ءُ پاکستانی رژیمانی زورگری ءِ ایرجنی ءَ گپ بہ جنت ۔

بے جھگیریں راج ءُ مردمانی گل ءَ بلوچ جھگیرانی گوں یورپی پارلیمان ءِ باسک ، یورپی واکدار ، سیاسی سوجکار ءُ انسانی حقانی پھریزکاریں گل ءَگوں سوتمندیں دیوان ٹھینتگ ۔ واجہ بلیدی ءُ واجہ مینگل ءَ انسانی حقانی سرگْوز کنگ ءِ سر ءَ الکاپی ءَ گپ جتگ ۔ کشت ءُ کوشیں انسانی حقانی لگتمالی ، دزگیری ، یکشل ءَ برجاھیں بیگواہ کنگ ، جنگ چوپگ ءُ کشگ ۔ ھمروچ بلوچ ءِ زندمان پد منتگی ءِ نیمگ ءَ چگل دئیگ بوگ ءَ اِنت گوں وانگ ءُ زندمان ءِ دگہ کمتریں آسراتی دئیگ ءَ چوش کہ لین ، آھانی مذھبی آزادی ءِ سر ءَ بندش ، ءُ گچینی ایران ءِ تہ ءَ پہ بلوچ سیاسی گلاں ھچ رنگیں جاہ نیست کہ آ پہ بلوچانی حق ءَ سرپدی دات بہ کن اَنت ۔

گپ ءُ تْرانانی تہ ءَ پہ زرباری ایشیا ءُ ایرانءِ سیادیانی درگت ءَ پورپی پارلیمانی سوادی ، چوش کہ انسانی حقانی سب کمیٹی ءِ سر ءَ زوردیگ بوتگ کہ آ وتی گپ ءُ تْرانی تہ ءَ پہ بلوچانی حق ءَ ھم گپ بہ جن اَنت ۔ دیوانانی تہ ءَ پہ بلوچ حقانی درگت ءَ گوں ایران ءُ پاکستان ءَ گپ جنگ ءِ باوری دئیگ بوتگ ءُ گْوشگ بوتگ کہ آیوکیں ماھاں یورپی یونیں داتگیں سرپدیانی پد ءَ وتی پالیسیانی تہ ءَ گھتری کار اِیت ۔